鬼馬點心

一間餐廳能令人留下深刻印象係好緊要的,在香港這繁華嘅城市內餐廳猶如繁星般海量✨,如何得到客人歡心就要睇下餐廳究竟用多少心思了!就像這天我到的酒鍋,第一次到尖沙咀店時已給它的心思和味道深深的吸引著😍,當知道銅鑼灣開設分店更加設點心後便二話不說相約好友去歎茶去。
銅鑼灣分店裝修一如尖沙咀般充滿後現代風味,但係多咗嘅就係開揚嘅景緻。




鑄鐵茶壺配精緻的玻璃水杯,這樣便這就了自己的風格了!
 
先介紹這款{酒鍋龍蝦包}$78/兩隻, 外形精緻無比的龍蝦包用上中式包包來泡製,但又富有西式的口味創意十足。
龍蝦肉吃下爽彈有鮮味,脆卜卜的蟹子吃下口感零舍豐富,加上有不少新鮮沙律菜成件事即時清新起來,不過學好友話齋想一啖過放入口就有點困難啦!
來到酒窩當然要重溫特色小籠包啦!點了麻辣和藥膳小籠包$各38/ 籠。
好明顯紅色呢個就係麻辣味道,小籠包皮不會過厚,內裏載著豐富麻辣湯汁,一口咬破後滿咀香辣,喜歡吃辣的我吃得十分之冧呢。
而藥膳味小籠包亦都唔輸蝕給麻辣呢!濃厚的藥材味道加上滑溜肉團,成件事咪就係滋補囉!
但係全日當中我最喜歡便是這個{魷來游去}🐙$52,造型可愛到不行的小魷魚 ,在黑松露高湯內浮游活像有生命般。
魷魚餃皮透薄不黏牙,內裏充滿鮮魷魚及菇菌餡料,咬下清爽不油膩👍。
飲茶當然唔少得食蝦餃啦,呢個叫做{整色整餃}$42,四粒當中有兩粒係有淡淡香檳色和甘筍色,除了給客人味覺享受視覺上亦顧及得到。
蝦餃皮 口不黏牙,內裏嘅蝦肉亦都夠爽彈,味道恰到好處。
還有嬌媚粉嫩的{原隻鮮蝦帶子腸粉}$68,看色澤經已令人有想吃的衝動, 酒窩內的點心所有色素都係天然㗎!好似這個腸粉便是用上紅菜頭汁做出米漿來拉的。
腸粉皮尚算薄透,內裏的鮮蝦帶子亦都富鮮味,質數可以呀。
擁有一顆童心嘅車媽媽一看見這個{酒窩獸}$42便嚷著要食😁。
酒鍋獸內裡係用泡菜,芝士加上豬肉做餡,惹味得很而且外皮煙韌不黏牙,尤其是那條香芹簡直為這野獸戴上了光環👑,我表示十分滿意。
而餐廳的包包亦都十分之可愛呢!{開心企鵝包}🐧$48,造型可愛萬分如果有小朋友在場必定歡喜若狂。
攞起手還見到企鵝的一對小腳感覺更為可愛,而內餡係滑溜不過甜的白蓮蓉,好吃得車媽媽整個吞掉了。
而這個熟口熟面咪就係{串嘴流沙包}$48,相信大家在WhatsApp用唔少啦😎!


搣開流沙包內裏的奶黃餡源源不絕湧出,就算放久了亦不會凝固做得十分之好,味道亦都香甜好吃。
不過這個{雪中送炭叉燒包}$48,意景甚好我更加喜歡它😊。
外皮帶點酥脆嘅竹炭包,內有香甜蜜味的叉燒作餡,加埋一起吃十分合拍。
炸物方面外貌正是到不行的{酥炸初天鵝}$48,外型做得神似,芋角油分充足但吃香滑,但不會覺得油膩絕對是佳作👍。
還有酥脆香口的{黑松露蘿蔔絲酥}$48,蘿蔔絲的清甜加上松露香又是另外一種吃法,在溫柔當中加上一點野性,喜歡重口味的朋友絕對不能錯過。
想吃飽肚美食還有這個份量不少的{鳳爪排骨籠仔蒸飯}$78,連蒸籠也別緻過人。
籠仔蒸飯內還有健康的南瓜🎃作料,感覺即時健康多了,飯粒夠爽身排骨亦夠多肉淋滑,鳳爪味道恰好唔會過鹹,成件事都好令人滿意,但我就喜歡將水煮桂花魚的辣汁伴飯吃,這樣更加野味吸引呢!
出名係辣媽的我當然唔會放過這兒的{邊爐水煮桂花魚}🐟$198,酒窩的麻辣有試過的朋友便知道它好吃之處,香辣味麻的感覺越吃越滋味,再加上嫩滑新鮮的桂花魚哪有不好吃的道理,如果加埋薯粉就更Perfect了。
最後當然要吃埋甜品才完滿{木糠豆腐花}$48,木糠豆腐花意念幾新鮮,不過我還是喜歡食傳統的豆腐花多一點😜。


這份紫色美食{紫心薯軟糕}💜🍠$48真的十分好吃,一點黏牙的也沒有,吃下香香糯糯的,但如果唔用椰絲改上用芝麻我相信效果會更加出色。

留言

張貼留言

熱門文章