味蕾遨遊英倫

車媽媽的旅行夢好慶幸未能實現，車車🐶剛在上月尾做了身體檢查，大致上問題不大，呢個仔16歲都一樣精靈又可愛，希望佢能夠繼續長命千歲，健康生活下去，我呢個媽媽便心滿意足了🙏， 既然有個咁好消息就去食過自助餐慶祝一吓吧！選了康得思酒店的The Place用我的味蕾去遨遊英倫，嘆一頓{漫味英倫}主題自助餐！

一踏進餐廳便見到這個充滿英國風味的電話亭，大家記住去電話亭發揮自己嘅小宇宙，影一張有趣照片發佈上社交網站，就有機會可以獲得The Place 2人晚餐餐券一張，我哋一班好友當晚亦都影咗一段好特別嘅片段，希望遲啲可以同大家分享，自助晚餐星期日至四$598/位，小童長者$418，星期五，六都係多$40。

已經不是第一趟嚟食自助餐的車媽媽，最喜歡餐廳內的甜品Corner，淨係八款Movenpick雪糕已經夠令我心心眼啦😍。

而且今次仲有好地道嘅港式芝麻雞蛋仔，須然不是很脆口但芝麻美好突出很呢。

當然有自助餐唔少得的朱古力噴泉，及綿花糖陣小孩們可樂透了。

插滿英式英國國旗的迷你杯子蛋糕，英式鬆餅。

這夜自助餐內大家會不時看到英國士兵和大笨鐘的踨影㗎！

充滿英式風情嘅紅莓布甸，還有可愛花花栗子撻及歌劇蛋糕🍰。

還有這個精緻無比的格紋手袋慕絲蛋糕，不此樣靚食味亦十分出色，慕絲質地輕柔如無物，但朱古力味卻香濃甘醇。

拖肥朱古力餅，北海道芝士蛋糕，白朱古力士多啤梨乳酪蛋糕，全是具水準之作👍。

還有酸香熱情果乳酪蛋糕，貌美標緻的法式長泡芙，紅豆和果子以及藍莓杏仁蛋餅。

當然仲有即焗英式肉桂芝士撻，可惜車媽媽不愛吃肉桂今次冇幫襯呀！

中式糖水就係紅豆沙睇落去起晒沙十分吸引。

飲品方面會無限量供應的什果賓治和櫻桃特飲，個人比較喜歡什果賓治因為充滿菠蘿🍍香氣吖嘛，我最愛的味道😁。

凍海鮮一貴陣容強大，花螺🐚，青口，海蝦🍤，龍蝦鉗，鱈場蟹腳一應俱全。

當然唔少得我喜愛的生蠔啦！這夜供應兩款生蠔，一款係紐西蘭另一款係即開美國生蠔。

沙律吧方面今次有好特別嘅東東呢！第一次喺自助餐沙律吧食到苦瓜，而且還有荔枝呢，真的令我十分驚喜令愛吃苦瓜的車媽媽樂透了。

而煙三文魚分別有原味，紅菜頭以及刁草，看上去色澤鮮明，味道都應該會好唔錯呢。

凍肉和風乾火腿亦有供應，可惜這以沒有新鮮菠蘿🍍真的有點失望喔😌！

這兒的湯品都好豐富足足有三款咁多，西湯係煙肉雜菜週打湯，中湯有花生眉豆煲雞腳好鬼足料㗎。

而另外還有燉湯供應，可惜今晚嘅燉湯係淮山圓肉燉牛蹍🐂，不吃牛的我無緣欣賞啦

麵包陣容都好強勁㗎！隻隻看上去都漲卜卜。味道應該好唔錯呢。

而芝士拼盤就有幾款不同類型選擇，但我最愛都係嗰三兜自製嘅芝士醬，包括蒜蓉味，黑椒味，和洋蔥味，三隻都十分香滑又好吃，尤其是蒜茸我笑說吃完一定要返去勁鍚車爸爸哈👄👄👄。

邪惡嘅朋友👿嚟到呢度一定係開心C，因為仲有堂煎肥美甘香的煎鵝肝。

日式區方面刺身有數款選擇，魷魚，八爪魚🐙，北寄貝🐚，吞拿魚🐟，立魚及三文魚全部都好新鮮肥美呢。

另外壽司方面都多了新驚喜喎！八爪魚那件上面綠色的係芥末三文魚子，應該都幾刺激幾好味的。

另外當然唔少得英式烤肉眼扒🐂會喺星期日至四供應，而星期五六會轉供應威靈頓牛肉。

自助晚餐還會有鹽焗原條三文魚🐟，我當晚太飽冇試到呢！但係朋友吃後話魚肉十分香滑而且味道很鮮甜呢。

繼續留有車打芝士焗大西洋龍蝦，隻隻金黃烤得香口必食之選啦。

熱葷有美式羊肉杏脯咖哩和印式茅屋芝士咖哩🍛，用來配薄餅食當然係妙絕，而且烤餅喺現場诤烤爐即製㗎。

明爐燒味這夜有嫣紅的蜜汁叉燒，八珍豆腐煲，新加坡黑椒龍蝦鉗，蒜蓉炒西蘭花以及雞絲炒飯。

話明係漫味英倫當然不乏英國美食Fish and Chips🍟🐟我覺得係最能代表呢個國家嘅美食，而且味道做得相當唔錯㗎。

還有英式豬扒配蜜糖蘋果醋🐷，味道香甜肉質都幾鬆軟好味道。

還有新英倫茴香蜆肉燴蝦丸，焗英式牛肉餡批，迷迭香忌廉焗馬鈴薯和約克夏香腸布丁。

介紹完豐富嘅自助餐美食到我開餐了，一貫作風嚟一個美食地圖大合照後，大家便可以開動啦😋😋。

先吃菜和生果是常識吧！

生蠔今次美國比紐西蘭嬌小，味道挺富香，不會太重海水味。

紐西蘭生蠔就較Creamy但蠔味返而較輕柔，不是我杯茶呢！

刺身好有光澤吃下好有彈性，尤以三文魚最鮮甜。

凍海鮮的花螺有點韌，但青口就柔軟好口感，海蝦就鮮味肉彈，而雪場蟹腳就一貫富海水味而且肉質札實，最後龍蝦鉗肉質都算不俗係欠了點鮮味啫！

吃罷凍美食飲返碗足料的花生眉豆煲雞腳🐤，味道好香甜而且雞腳超淋滑好好飲飲喔。

好友最愛的即淥粉麵，以及邪惡煎鵝肝。

炸魚薯條質素挺不俗呢，薯條更是香脆誘惑到極。

右上的新英倫茴香蜆肉燴蝦丸，口感好不錯加上茴香味道很新鮮，焗英式牛肉餡批我沒試不過好友們就紛紛讚好，而迷迭香忌廉焗馬鈴薯，粉淋軟糯帶香草迷人氣息好不迷人啊~

再勁吃芝士醬好鬼滿是啊~

差點兒忘了介紹漏網之魚，這雞棒口感扎實但肉質十分滑口，加上煎香的外層好味度很高呢。

最後飽足得十分利害甜品還是跟好友一同分享好了🍩🍰🍮！

但雪糕🍨係不可錯過的，唯有選檸檬雪葩食啦！

這夜真的十分熱鬧，更相約好隔天再到酒店5樓的Alibi嘆新鮮出爐的Swarovski Crystal Kiss Afternoon Tea💎🍸，絕對係超荀美呆的下午茶，大家密切留意喔！