樂韻悠揚自助餐

曾幾何時洒廊餐聽係不少人消遣的好地方，車媽媽曾經有一段時間都好喜歡去這些酒廊聽歌飲酒🎶🍸，但此情真係好難復再，自從有了卡拉OK後洒廊已幾乎絕跡呢！！

但是剛剛比我發現到原來九龍君綽海逸酒店內的The Promenade ，每逢星期一至五晚七時十五分起會有現場樂隊{音樂行者}為大家送上悅耳歌聲，幾位歌手聲線各有韻味各有味道，當晚聪聽得我如痴如醉，還有點捨不得走呢！

這也不止另外食物的質素亦都係令我不捨得走的其中之一個原因，因為整場食品也頗有質素而星期一至四$558/位，小童，長者$368/位，星期五至日加$40便可，而且還可到酒店e-Shop訂座即可享75折優惠詳情按此 。

先為大家介紹海鮮區陣容看多鼎盛呀！先有小龍蝦，海蝦🍤，翡翠螺🐚及青口打頭陣。

還有雪場蟹腳，半殼青口以及鮮甜到不得了的阿拉斯加蟹腳😋。

即開生蠔也有供應這天的是美國佳麗。

另外刺身櫃內擺放了多款新鮮刺身，但係我已經比那隻北海道帶子蒙蓋了雙眼👀，因為實在太肥美太大粒了，等我一陣間先炮製你嘻嘻。

當然還有壽司，卷物🍣等供應，款式不多但味道也不俗。

沙律區方面唔算陣容鼎盛，但都應有盡有，新鮮沙律菜🍀🌿，近年大熱的藜麥沙律，還有煙鴨胸，煙彩虹魚及紅菜頭三文魚🐟。

而芝士區選擇也十分多，有我最愛食的Camembert Cheese發達喇！

凍肉有沙樂美腸及風乾火腿，實在太開心了睇下有冇菠蘿先嘻嘻。

睇完凍美食後帶大家睇番啲熱辣辣嘅美食啦！餐湯有甘筍豬展湯🐷，酸甜忌廉蕃茄湯🍅。

還有足味的海蟹粥涼涼地食粥真係十分之合適呀！

但係最緊要介紹嘅係咖哩Corner，等我逐樣為大家介紹啦，呢一個係咖哩海鮮。

印式烤羊肉串，咖哩羊肉，椰菜花薯仔咖哩，泰式咖哩雞以及咖哩雜菜。

配咖哩最正我都係覺得係飯囉🍚，所以我比較喜印度紅花飯多突印度薄餅🍕。

熱葷方面亦十分出色，等我為大家逐一介紹先係中式菜系！

上湯時蔬，時菜炒海鮮，韓式粉絲，紅燒花膠扣鵝掌，以及鮑汁扣海參，全都味道不錯喔！

另外還有點心供應，這夜有乾蒸牛肉，素粉果，蝦餃，燒賣以及小籠包，全部熱騰騰的放在蒸籠內，包保新鮮熱辣。

輪到介紹西式美食香煎三文魚，豬仔骨，牛肉卷及雞肉卷。

紅酒燴牛尾，燒羊架，燒豬肶以及燒牛肉。

還有明爐燒味供應，有叉燒，海南雞翼及燒腩仔，賣相好吸引呢。

以上豐富美食都唔夠喉嘅話仲可以去即煮粉麵檔，揀選自己鍾意餸料，煮一碗度身訂造的粉麵🍜。

餐廳飲品自助餐只需要$45/位，就可以無限量暢飲果汁以及汽水，如果喜歡飲酒的話加$85便連同紅白餐酒供應呢。

鹹食已經那麼精彩，但係甜品就更加出色啊~

這個美艷動人嘅係栗子慕絲蛋糕🌰

呢個係藍莓芝士餅，雜果蛋糕，以及朱古力慕絲餅。

好有特色嘅開心果柑桔費南雪。

意式芝士甜餅，香梨杏仁撻，以及酒店招牌甜品芒果拿破崙。

小巧的甜點還有朱古力撻，杏仁蛋糕，青蘋果慕絲餅，以及朱古力班尼士。

酒店更鬼馬地推出雞年甜品呢🐥！這個可愛的小雞係芒果慕絲餅來的，見到佢個樣真係唔捨得食呀。

而這個恭喜發財爆竹蛋糕其實係士多啤梨慕絲餅來的🍓，造型真係十分之精緻呢。

基本上在自助餐必備的朱古力噴泉當然都會供應啦🍫。

另外還有即製的窩夫以及意頭十足的紅豆噹噹，現場即製聞到都好香口水也流埋呢😋。

另外還有牛油麵包布甸，以及香蕉果仁金寶。

好多人都關心嘅雪糕環節，🍨酒店供應Movenpick雪糕，所以我十分之興奮呢😀。

另外還有豆腐花與及多款新鮮好味的生果🍉🍈🍍。

今晚我哋人太多啦所以堆頭十分之強勁，希望唔會嚇親大家啦哈哈😆😆。

當然要食頭盤先啦新鮮嘅自製凱撒沙律，配我最愛的風乾火腿配菠蘿，仲有美味又有營養嘅芝士及紅菜頭三文魚認真豐富喔，我唔客氣喇！

今晚生蠔係美國佳麗，唔知點解近期D美國蠔質素好唔錯喎！味道很鮮甜入口質感唔會太過軟淋，而且還帶點脆口好吃啊~

大家千萬別忘記食呢度D刺身呀，全部都新鮮又好味，尤以油甘魚，鱆紅魚和北海道帶子最為鮮甜肥美👍。

凍海鮮就不得不提這個阿拉斯加蟹腳海水味恰好，一梳梳的巨大蟹肉放入口內滿足到不行啊~

小龍蝦以及海蝦亦都肉質紮實彈牙，海鮮類真的全部都好新鮮大家千萬別錯過喔！

羊架，牛肉以及豬脾看上去都粉嫩無比，不過我真係冇地方擺佢哋喇！所以我冇試呀~

酒店最有特色嘅係自助餐過程中會有即包即蒸美味的小籠包，不得了小籠包絕對唔會差得過正宗上海店的出品，皮薄多汁加夾起來絕對唔會穿破，一定要留肚一吃呀。

臨近新年更特意推出賀年美食，有紅燒花膠扣鵝掌，以及鮑汁扣海參，大大件花膠都係可以自助餐任食，真係好幸福的一件事呢。

鮑汁扣海參亦做得十分出色，唔會軟爬爬的，好有咬口味道香而不濃，十分合我口味。

熱葷方面精選幾款來吃，先係豬仔骨🐷炆得十分軟淋，入口即化的味道還十分香濃。

這夜我最欣賞的是咖哩，尤其是哪個咖哩雞🐤香又辣又刺激，係我食過咁多間自助餐當中最好食嘅咖哩😋。

好友的即製粉麵都好吸引，可惜真係十分飽了我冇辦法去試多一碗，唯有睇了當吃了吧！

因為我仲要留番個肚食甜品吖嘛！當然要食酒店的招牌甜品芒果拿破崙，香甜鬆脆的口感和香甜的味道真的很令人回味。。

點知驚喜真的沒完沒了！這個即做的芒果布甸完全顛覆了芒果布甸的框框，原來師傅用咗忌廉芝士加上酸忌廉，做成感覺似芝士蛋糕，但係又冇蛋糕那麼實淨，吃下口感十分特別，而且加埋熱情果蓉在內，令到成件事變得又香又清爽，飽到上心口的我也得整件消滅掉。