22 2月, 2017

*宮*其無避

主題用上*宮*其無避意思係指權八居酒屋宮城縣優質時令食材發佈會,這樣大的盛事我當然唔會避啦!還帶著興奮的心情去參加這發佈會呢! 
繼去年10月佐賀美食發佈會後,今趟又很榮幸哋被邀請到權八參加{宮城縣美食之旅}發佈會,看見這個酒桶既熟悉又興奮,因為一陣間又可以欣賞到扑酒桶🔨🍶儀式進行啊~
一到場大會已經準備很多宮城縣優質食材給我們拍照及品嚐,第一樣吸引到我的注意力便是這款{Migaki-Ichigo士多啤梨}🍓,這款士多啤梨比喻為可食用的寶石💎,係宮城縣最高級的士多啤梨品牌,很期待 一陣可以跟它好好談一場戀愛呢。
權八最有名的炭燒串燒🍢🍡亦已如火如荼哋預備中,這又是令人十分期待的項目呀。


這個是宮城的特產銀鮭🐟,另還有煙燻銀鮭,這魚可做刺身,肉質好緊緻,味道很鮮甜。



 另外還有金華鯖魚,這魚油脂豐富最適合醋漬或鹽燒。


 仲有我最喜愛嘅生蠔這款生蠔名叫石卷蠔體型超大隻十分飽滿,而且口感滑溜吃下去一點都不覺漏喉,味道很鮮甜濃郁喔!


另外還有鰹魚乾即時想整泠烏冬喔😋!
以下係即食海產有海帶,帆立貝石卷蠔等。 








發佈會開始由各位嘉賓及負責人為我們詳盡介紹宮城縣的特色食材後,便進行扑酒桶儀式。
我也很幸運地分到一杯清香好喝的伯樂星清酒,而且還是第一次用竹酒杯嚟飲感覺分外地道有型。
一眾好友們夾手夾腳取回一檯豐盛美食,宮城縣美食真多,影過相後大家便可大快朵頤。
餐廳還貼心地預備了兩次伯樂星清酒給我們繼續飲用🍶。
影完相後大家都唔客氣吃自己嘅心頭好喇!我當然第一時間食生蠔啦,這個石卷蠔質地好滑溜,但又一啲都唔覺得漏喉,如果唔係擔心痛風我相信我要食一打先肯收口呢!最終我只係吃了兩隻好乖呀😁。
知道甜魔媽媽唔係太喜歡吃生蠔,見到有天婦羅蠔梗係攞兩隻比佢試下啦!
仲有燒魚餅和燒薄餅🍕,估唔到呢個日式薄餅又幾唔錯喎!但係佢好芝士香仲要勁薄脆。
到我們最期待的串燒,分別取了燒海鰻,以及厚燒伊達赤豚扒用上西冷部位厚切炭燒,這樣當然最能保持到原汁原味啦!
而這串燒海鰻就最為誘惑,外皮燒得焦香煙韌,肉質富彈性而且丁點腥味也沒有,好吃得我吃了兩串之多。
當然唔少得用金華鯖魚及銀鮭 及海鰻製作出來的美食啦!


這碟還有一些螺肉,石卷蠔及帆立貝,這幾款全部都係即食的食材。
當中以這款即食帆立貝最為吸引,鮮甜到不得了,質感又軟滑這樣的美食真的很難抗拒啊~
最後還有這個十分香濃軟熟的石卷蠔釜飯🍚,咪話我唔單聲唔食你就走寶喇!用上宮城米來加入枝豆,竹筍,味噌,及薑等材料煮40分鐘而成,所有精華走進米飯中,那股香氣誘人至極哪有不吃的理由呀!
最後當然要品嚐這個香甜無比的Migaki-Ichigo士多啤梨🍓,真係多多都唔夠食!何況仲有個士多啤梨大賊在!我會記住你欠我們每人一盒士多啤梨喔😏!
大家如想品嚐宮城縣美食之旅由即時起至五月三十一日到八居酒屋便可品嚐到以上美食。

6 則留言:

  1. 哼哼,原來topic係向士多啤梨大賊致敬的!!!!

    回覆刪除
  2. 燒海鰻睇落好正呀!仲有鯖魚、鮭魚,全部都好想食呢!

    回覆刪除
    回覆
    1. 燒海鳗真的好好味,凍咗都唔腥^0^

      刪除