05 2月, 2017

年就這樣過了!

雞年已到很不好彩車媽媽在病榻中踏進農曆新年,在年三十晚收了車爸爸 壓歲錢後,到大年初一經已好番好多喇!

即時起身動工做我的自家蘿蔔糕,今年只做了四底所以很快便完工了。
到大年初二指定動作就係返外家煮開年大餐給親友們享用。
新鮮生猛的蟹蓋用來清蒸,原汁原味最正呀!
蟹身就用惹味的薑蔥炒,吃得每位也咀lam lam,煮得辛苦啲都係開心嘅。
車婆婆就一早準備咗燒肉同雞,仲有一早起身炆好的冬菇炆鴨掌。


另外當然要煮返啲意頭菜啦!如笑哈哈就係其中之一,還煮了兩種味道,茄汁大蝦碌以及椒鹽大蝦。


清蒸大海斑今次蒸傳好嫩滑,我自己都好滿意呢。
上湯豆苗嫩綠清甜又無渣好好味。
希望大家都食得開心,祝大家食完身體健康,事事順利。
表妹女兒包包唔經唔覺識行,識走識講嘢啦,而且還十分喜歡我送的利是包添。


在外家幫我車車逗了很多利是,你睇下佢金銀滿屋企個樣多開心。
而夜晚當然就要品嚐我嘅蘿蔔糕啦,另外再煲了瑤柱豬骨粥,夜晚嗰餐又搞掂了。




今年製的蘿蔔糕得到車爸爸高度讚賞,希望他吃過後出入平安,身體健康。
另外再煮多個團圓湯圓甜蜜又好意頭,呢隻灣仔碼頭嘅水晶湯圓,外皮煙韌,餡料都幾好味道,尤其是係紫薯味我特別喜歡呢。
年初三赤口車爸爸又要開工,所以我可以自己一個人的浪漫。忽發奇想喺屋企沖杯靚茶,整啲點心(只不過係叮叮貨色)咁樣都可以開心一番喔!
初四在家放空一天,到大年初五車爸爸終於都放假啦!這天更相約一班好朋友到PJ五星級的家團拜呢。
當然要抽下松松水啦!佢真係好好肉地嘅小朋友嚟㗎。


仲有呢隻為食妹妹Chloe冇見一排又嘟咗喎!
期間我哋玩到PJ家擁有專業音響器材的卡拉OK屋內盡情唱K,實在太幸福了。
到晚上我哋就食金域假日酒店買回來的盆菜,呢個盆菜好矜貴又有鮑魚又有海參伴有大蝦,而且完全不肥膩好健康喔!


另外主人家還預備很多火鍋配料,吃罷盆菜可以繼續打邊邊。




這天我們玩得十分開心呀!多謝主人家熱情招待,祝大家身體健康,心想事成,幸福快樂。

6 則留言:

  1. 新嘅一年祝福車家上下老少平安,身體健康!

    車車張相好好意頭呀,堅係名乎其實金銀滿屋! :)

    回覆刪除
    回覆
    1. 大家都要身體健康喔!好土豪的車車^0^

      刪除
  2. 初五真係聚得好開心,唯一係未聽到陳大導演唱呀!!!!!!

    回覆刪除
  3. 新一年要身體健康,車車逗好多利是喔

    回覆刪除