初七吃吃吃

東涌終於有狗仔粉賣了！過年前從清麗村姑FB中知道富東商場開了間咁正，專賣狗仔粉，沙嗲小吃及秘製小食等，在人人生日的年初七大好日子便到店中解饞！

*咁正*裝飾挺骨子，選用開放式廚房，熱氣沸騰的水蒸氣不停的翻滾，感覺挺不俗，但店內只有六個座位作堂食。

除了原味的火瞳粉仔，還有新口味沙嗲粉仔，肥牛粉仔及懷舊酸辣銀針粉。

店家選用自助形式，先到收銀處買心水食物，取單後放在水吧面，店員便會即製美食給客人。

而吧檯上有正常，勁辣菜脯及蔥花供客人享用。

 勁辣菜脯辣度對我來說不算太辣，咬下質頗感爽脆，但香氣就略嫌不足了！

這碗係車爸爸的沙嗲粉仔$30(大)，份量不算大，給客人前已放有勁辣菜脯，蔥花油酥等配料，而內裡有少許香菇，豬油渣等餸料，味道都夠香濃，加了帶甜的沙嗲汁我總覺得有點格格不入！

我要了火瞳粉仔$30(大)，湯底味道算香濃，但加了油酥令反而我覺得不夠正宗，而且湯跟粉仔質感也糊了少許，不太能做到我喜歡杯茶！

沙嗲拼盤$30(大)，內有咬口不俗的陳皮魚蛋，脆口水魷，不夠淋的牛百葉，甜的不真的蘿蔔，入味豬皮及沙嗲齋，而沙嗲汁偏甜，絕非我喜歡的味道！

吃飽狗仔粉就跟車爸爸去西環表弟道整牙，跟住晚餐我哋就去咗Gochiso開餐。

點解會揀呢度食晚飯？事因見到佢有一個Meat Lover Set$388 for2好似好抵食咁喎！咁就預早同老公慶祝情人節吧！

Appetizer我就揀咗我最愛的Parma Ham配意大利沙律。

意大利沙律中有串橄欖，我還是喜歡吃綠色的橄欖多一點。

而風乾火腿味道鹹香入口都幾軟滑，配上香甜密瓜一齊食確係一個十分好的開始。

另一份前菜未到但已經給我們上了餐湯，這一 客係特濃南瓜粟米忌廉湯🌽🎃， 每客餐湯還會配上一件蒜蓉法包，味道挺香口而且烘得好香脆可口。

南瓜粟米忌廉湯味道很濃郁入口香甜好喝，內裏還有不少紅腰豆，鷹嘴豆及青豆等配料，令喝下多了一層口感但亦會較飽肚！

另一客係鮮豆蔬菜濃湯🍅🌿，顏色看下去十分濃郁，而且還有芝士呢！看上去很是美味喔~

其實這湯味道十分香濃，不過就略為重口味咗少許囉！

另一份Appetizer姍姍來遲的是西班牙蒜香橄欖油煮全蝦🍤，終於明白為何要姍姍來遲，原來係即叫即製的熱哄哄哋上檯好吸引呀。

大蝦很鮮甜肉質夠實淨，加上十分香口的炸蒜片一齊吃，那份香氣十分吸引，最後用香脆法包🍞點橄欖油來吃更是滋味無窮啊~

這份一睇就知係車爸爸的主菜，香烤安格斯牛小排配牛柳🐂點菜時已通知侍應要五成熟，不過她表示牛只會煮至三成熟，跟鐵板上檯時應該熟度剛剛好。

可惜的是來到的時候牛排和牛柳都已經變成全熟影響了口感，不過車爸爸爸話牛小排的牛味挺不錯的，但牛柳就未如理想呢！

和風蒜香白酒汁蜆肉意粉賣相十分之美好，很惹人垂涎喔😋！

蜆肉的鮮味十分出色，意粉亦都咬口十足，可惜的是對車媽媽來說真的十分重口味，所以未能清碟呢！

甜方面揀了好有特色的西班牙式燉蛋雪糕，🍮滿是期待的一個甜品，上檯時面頭看沒什麼問題。

但一看全面真的有點兒嚇親，這個賣相我唔係好接受得到囉！不過味道十分好吃，內裏有好香的薑味燉蛋，加上雲呢拿雪糕成件事係好出色的，只不過敗在賣相！

另一款西班牙式雜莓西多士伴雪糕🍞🍨亦都係十分好味出色的甜品。

下層的西多士蛋香味幾出色，而且還熱暖微脆，配上凍冰冰的雪糕同吃，真的滋味無窮呀~

最後嘆埋杯餐茶先，我選了柚子蜜梳打，車爸爸則點了凍奶茶。

 我的柚子蜜梳打味道挺香又不澀，而且很夠氣十分解渴呢。