02 7月, 2017

王子我來了!

素聞以往在荃X中心有一間食咖哩幾唔錯的小店!原來近來已經由哪裏搬到享成街,名叫王子廚房 Prince Kitchen這天趁著返外家便到這裏試一試他的咖哩是否真的那麼美味!

這天我們差不多十二時到達也只係剩下兩張枱,到我們走時門口已經聚了很多客人在排隊認真旺場喔!


這時間會供應午餐但也可散點,我跟車爸爸分別選擇了王子咖哩牛三藏飯和鴛鴦黑白咖哩配吉烈荷蘭豬扒飯,午餐會包有餐湯是日有羅宋湯和甘筍忌廉湯,淨係喝餐湯已飲得出誠意!忌廉湯絕對唔那西香滑的質感配上粒粒的粟米加強了口感,成件事都好美滿!
其實羅宋湯亦都很美味而且內裏有不少雜菜,但甘筍忌廉湯實在太過出色所以有點即時被比下去呢!
車爸爸的咖哩牛三藏飯$65,淨係個飯都絕無欺場賣相靚仔到不得了。
而這份咖哩牛三藏看上去似不大吸引!但吃下咖哩味好香濃而三藏則包括有牛爽腩,牛脆骨及牛心腚,須只選了小辣但已經吃得到辣味,真係心思思想去試下大辣呢!
而我就點咗呢個賣相靚靚的黑白咖哩配荷蘭吉列豬扒@56,真心好感動豬扒好大塊,在這塊的底吓還有一小舊豬扒呢,吉列外皮唔會太厚身亦唔覺油膩,而厚切豬扒煮至剛熟不嚡口還保留了肉汁,沒太多調味料的污染還吃得出肉香,廚師的煮工真是十分到家!
除咗黑白咖哩汁另外還會有一小碟沙律醬用來配吉列豬扒真係好有意思!
至於這款白咖哩好香口有點東南亞的風味,香甜不辣老少咸宜。
而黑咖哩就更加係甜美過癮因為吃下去真的很甜口,好像食到有啲朱古力的味道好特別!
最後例牌一杯熱奶茶一杯凍檸茶加$2結束我哋這美妙的午餐嚕!


4 則留言:

  1. 我係醬精,見到一份餐有咁多款醬可以點就高興啦!

    回覆刪除
  2. 我愛咖哩!好想撈飯!

    回覆刪除