Buffet減肥法

話說甜魔媽媽發明咗Buffet減肥法,發現呢排自己真係肥咗又靚咗喎!都係時候要去信奉教規食番兩餐自助餐減減肥先!為食藉口真的無限大哈哈...

其實點解想食Bistro on the Mile呢一個Buffet?因為逢星期五,六會做龍蝦主題自助餐成人$609/長者$487/小童$426(OpenRice有75折優惠),喺我心目中食龍蝦係最易回本嘅其中一樣項目,而且除了龍蝦仲有好多精采美食連生蠔都係任食呢!您話點可以唔嚟減減肥啊~
帶大家行個圈睇下有啲咩好嘢食先啦!凍海鮮有翡翠螺,鱈場蟹腳,龍蝦仔同海蝦。
當然唔少得新鮮即開生蠔,這夜供應的美國蠔入口好Creamy,而且蠔味都幾香濃挺好呢!
日式美食有多款刺身,壽司,另外冷烏冬,天婦羅都有供應!


沙律冷盤方面有水牛芝士蕃茄,凍火腿,煙三文魚,沙樂美腸及美味無比的帶子牛油果杯。


沙律菜亦都有不少選擇其它的配料亦應有盡有總之就必定令你滿意,另外芝士都有五款供應今晚車爸爸開心C啦!
熱葷方面有蒜蓉粉絲蒸元貝,黑椒牛肋骨,炆龍脷柳豆豉汁,泰式炒雜菜 等等美食。






沿著一路行落去還有這個好吸引的燒烤美食區,選擇都幾多有青口,龍利魚柳,大蝦,三文魚,還有蔬菜及菇菌即叫即燒零舍香口好吃!
接下來還有炒飯和看得到的惹味薑蔥炒蟹!


來到金域假日酒店冇理由不吃這兒的咖哩,有印度烤魚,咖哩雞,印度菜咖哩,蘑菇蕃茄咖哩等等不少的選擇。




 這夜還有熱辣辣脆卜卜的烤乳豬供應睇見都想食呀!
這個即燒羊架車爸爸當晚吃完大讚美味,可惜我冇辦法為大家試味!
當然唔少得邪惡的香煎鵝肝,睇下幾厚切如果唔怕膽固醇高都就不容錯過啊!
接下來還有香煎鱸魚,莧菜釀雞卷,牛仔黃梅醬,意大利雲吞配番茄汁還有美味的蒜蓉焗薯蓉及忌廉莧菜。






當然唔少得自助餐必備的燒西冷及香煎鱸魚!
而今晚的主角龍蝦菜式包括有每位送一份的龍蝦小籠包。
龍蝦小籠包內餡充滿肉汁吃時大家要小心啲呀!龍蝦小籠包味道好鮮甜,如果外皮再薄滑多點就更正。
另外還有龍蝦粉絲牛油果沙律,內裏有不少龍蝦肉加上香熟的牛油果及爽口粉絲令人胃口大開。
偷偷話畀大家聽我從未試過在自助餐飲到這樣美味的龍蝦湯,味道香濃到不得了連同酥皮吃好令人心醉!
另外還有美味非常的龍蝦壽司,大大件龍蝦肉被牛油果包裹著,整件放入口令人異常滿足!
但論到最驚喜的是這份廚師即席炮製的龍蝦包,用上龍蝦最美味的龍蝦鉗作包,吃下包身鬆脆熱暖配合鮮甜肉滑的龍蝦鉗簡直完全唔相信係自助餐的食物呀!
話明龍蝦主題怎能少了原隻龍蝦那份兒!這夜有凍龍蝦和芝士焗龍蝦兩款選擇,大家話係咪食龍蝦就已經夠回本吖!


接下來再帶大家睇睇甜品區吧!有小朋友最愛的Candy Corner這兒還有即焗的心太軟,出爐時香噴噴係必食之選喔。
另外還有小巧的雲呢拿奶油角,黑芝麻芝士蛋糕同埋檸檬撻。
當然唔少得自助餐必有的麵包布甸,聖安娜蛋糕。


這個綠茶紅豆慕絲真係好吸引喎!仲有香橙朱古力蛋糕都好似好唔錯呢。


小口好吃的葡撻仔和法式焦糖燉蛋,喜歡吃蛋類甜品的朋友必要一試呀!


放在雪櫃內十分衛生果企理感覺更加安心。
另外還有椰子菠蘿忌廉,豆腐餅碎布甸,蔓越莓香橙軟蛋糕,芒果吉士卷, 雜果酒啫喱選擇十分多。
當然仲有好多人都喜歡吃的Haagen-Dazs雪糕噢,可以任食太放肆了!
介紹完畢現在係時候要開動了!
最喜歡食生蠔的我當然先整返兩隻開心吓先啦!美國蠔入口會比較Creamy,這款蠔味都幾是而且好新鮮脹卜卜的。
接下來食碟沙律生果墊底先後繼續迎戰龍蝦。
今晚的主題龍蝦牛油果沙律好爽好甜,龍蝦壽司真係好吸引,凍龍蝦質素亦都十分之掂,唔會乾爭爭而且全部都有膏睇見都流口水呀!
刺身選擇唔算十分多不過每樣都幾新鮮可以一試!
最正的是薑蔥炒麵包蟹,蟹蓋內充斥滿滿的軟膏好吃非常。
車爸爸就最喜歡食鵝肝,不過今晚太多龍蝦美食佢竟然唔記得食鵝肝喎!!
最後嘆番個螺頭燉雞湯味道濃香又唔肥膩,果然係這兒的嘅招牌靚湯,大家必定要試燉湯呀!
最後整多杯甜品真係滿足到不行啊!不過我嘅減肥計劃尚未完成,明天我要去第二度繼續努力我的Buffet減肥法喔呵呵呵!!

留言

張貼留言

熱門文章