快樂溝貨夜

跟好友四出尋找美食絕對是一件很快樂的事!不由論吃到是天上人間美食!還是普普通通貨色!對我來說過程其實是相當快樂的!

像這天我跟好友劉總便去了這間McSorley's Ale House,不過唔係食愛爾蘭菜啊而係去食印度咖哩!仲要係自助餐大家試過未呢!
收費每位$168,可以由晚止6~10時享用,不過只在每個星期二供應!
究竟印度咖哩自助餐會有啲咩食呢?食物種類唔算太多有數款咖哩選擇,包括海鮮、蔬菜、羊、雞,另外有天多利烤雞、Veggie Samosa,當然唔少得仲有印度香米飯。

另外還有廚師沙律及新鮮嘅生果。
甜品方面只有一款選擇!今天的是熱情果芝士蛋糕。
飲品唔包括在自助餐內,點了我最喜歡的菠蘿汁,現成貨聊勝於無。
先吃一碟新鮮生果和廚師沙律,又有我最喜歡嘅菠蘿真係開心死我呀!那件Veggie Samosa脹卜卜好飽滿,其實係有薯仔、洋蔥、蔬菜及多種咖哩香料做成味道也挺,不過都幾飽肚呢所以吃一件就剛剛好!
吃咖哩又怎能少得各款薄餅!這兒的薄餅做得十分正宗,而且熱辣辣即製上檯光是吃它已經好滿足了!
我就吃了這兒的咖哩雞辣度都很合我胃口,雞肉不算有驚喜但配合爽口印度香米來吃算滋味!這價位其實在蘇豪區來說可接受,如喜歡吃咖哩的朋友不妨一試!不過食物種類選擇唔夠多未能滿足我倆貪心的嘴巴!所以決定要搵甜品溝貨啊~
沿途去找溝貨處時在卑利街看見這間吱吱朕真係好搞笑!這店原來是吃日本菜的酒吧跟它中式的裝修成了很大的對比呢!
終於搵到我哋想溝貨嘅好地方就係呢一間李好味 Lee Lo Mei 。

這兒會有數款份子料理甜品供應,而且價錢都唔過$100所以我覺得吃得過。
第一樣先上枱的叫做光芒四射$88,內裏有大大顆芒果珍珠放在芒果湯內,而且還有爽口西米作陪襯,最後面頭還鋪滿椰子味的氮化物。
這個光芒四射味道其實像楊枝甘露,那個芒果珍珠記住要一粒放入口食呀!否則爆到四圍都係就醜怪啦!但內裏柚子略為澀口影響整體味道!
另一份是破漿重圓$88說穿了即是薑汁湯圓,這造型的甜品入口夠曬趣怪,一口咬破後濃濃的薑湯在口內浮游外,但外皮做得厚重了丁點,內裡還有一顆煙韌的湯圓仔成件事都係好可愛的!第二趟嚐的我還是喜歡它!
兩個貪心鬼吃罷甜品後又心思思想試鹹點!不如就叫個乒乓菠$98試下啦!
這個乒乓菠一上檯我倆都覺得滿有驚喜!炸薯條質素十分出色炸得乾身又香脆,加上特別的甜椒山楂醬同吃太美味了!
而菠蘿包內夾著叉燒肉餅、燒菠蘿及菠蘿果醬,叉燒肉餅肉質鬆軟還富有不少肉汁,加上香脆可口小菠蘿包成個吃下真的滋味無窮!

留言

張貼留言

熱門文章