生日大飲茶

繼續回味過去的生日飯這天是跟認識了二十多年的好姐妹到金域假日酒店的龍苑中菜廳吃點心,有睇開我博文的朋友都應該記得早在 六月時候已到過酒店吃這個為慶祝酒店三十週年推出的{最真}懷舊點心 ,好友看完我的博文後深深記在腦裏待我生日又請我來大拆一餐!

這天兩個女人仔就只點了數款點心但已經吃得非常滿足了!
水滾茶靚係時候開餐喇!這兒的茶葉質素十分不錯,整場茶聚沒有添加茶葉底下到最尾仍然富有茶香,唔會像酒樓貨色變得淡而無味!
先來香脆蝦春卷微暖的春卷吃下仍然脆口,內裏有不少爽口蝦肉而且炸得不油膩真不錯。
既然均一價錢又點可以放過我最喜歡吃的特點北菇棉花雞呢!絕對沒將價就貨的情況發生,內裏滿滿高質素的魚肚及滑雞吃得我倆甚為愜意!
飲茶當然唔少得我必吃的豉汁鳳爪啦,這兒的醬汁剛剛好唔會太過杰身,入口亦都唔會過鹹炆得好淋滑美味喔!
很久沒吃過懷舊鵪鶉蛋燒賣,雖然不算太愛吃但也點一籠回味吓先,燒賣肉質唔會太過結實吃下很飽足呢!
當然要重溫這個松露帶子餃依舊外皮爽滑,而內裡的帶子餡亦豐足非常。
薑蔥牛柏葉吃落不會痴牙而且蒸得很入味,但戾略嫌油了少許!
山竹牛肉是好姊妹的心頭愛我就不能跟她分享了!希望她吃食得開心滿足吧!
甜品我哋就揀咗蛋撻仔撻皮夠酥香而蛋漿又唔會太甜,小小一口吃得好滿足。
最後好姐妹更送上親手製作的押花項鏈給我,實在太美又有心思多謝妳喔!大家覺得美嗎?如喜歡可到 Hyakkaseiho還有很多她女兒我契女的心機手作,還請大家多多支持!


留言

  1. 首先補祝妳生日快樂先、至緊要身体健康。乜咁都叫幾碟点心?妳地两個女人仔都好擦得喎。。。嘻嘻!

    回覆刪除
    回覆
    1. 多謝靚婆婆,我也祝妳身體健康,btw大食慣咗冇辦法hehe~

      刪除
  2. 我見到大合照仲有腸粉呢!我細個每次都叫牛腸但會挑哂啲牛肉出黎淨食腸粉,情況就好似食沙嗲牛麵/通/米咁,哈哈!

    回覆刪除
    回覆
    1. 海豚兒好細心呀!我影漏咗獨立相hehe~

      刪除

張貼留言

熱門文章