05 8月, 2017

當我見到天上星星

當我見到天上星星我會想起漢發麵家皆因這天到來午餐時見到我很喜歡的歌星葉德嫻小姐, 不過面皮薄的我唔敢叫人合照!還是在鄰桌偷偷仰望吧!!

漢發麵家位於深水埗大南街說實話易找不算,但我這天匿埋雙眼拉著車爸爸衫尾便能輕易到達!
這天很幸運來到時不需等位,但我們坐落以後已經座無虛席,餐廳場內牆上畫滿以往大排檔光景的壁畫,其實我也很懷念以往在大排檔搵吃的日子,那份人情味絕對不易在現今食店找得到的。
講到人情味我就要讚一讚這間餐廳內的所有工作人員,近年到過不少懷舊名店內裏的員工甚至乎老闆都唔係咁寬容,但這兒的所有工作人員都笑容滿面而且十分有禮貌,在這兒開餐格外開心!
去茶餐廳車爸爸當然要飲熱奶茶$15,我試了一口香滑兼備味道不俗,而我的凍檸茶$16亦富茶香不反不澀,檸檬亦都十分清香收貨有餘了!
這天到絕對是為了這碗豬潤麵$32,有嘴尖的食家劉總極力推薦又那會不好吃呀吖!
公仔麵係出前一丁煮得幾爽口,我影完相食亦都唔會覺得太淋,加入了豬潤的湯絕對是吸引的。
極度厚切煮豬潤煮至剛剛熟,入口極具爽口充滿彈性,最重要豬潤仍然保留濃郁的味道,比起另一間深水埗出名但又退步不少的豬潤麵好吃百倍。
另一客我們點了豬扒出前一丁$39,豬扒絕對係舊冰室那款出品,炸得透徹的豬扒肉質還富有彈力,沒有難吃的蘇打粉味,我就是喜歡這茶餐廳風味!看見鄰桌的炸鯪魚球漲卜卜的好吸引,下趟一於要去試埋中式粉麵先得!

4 則留言:

  1. 嘩,得閒姐都得閒來食,肯定好野啦

    回覆刪除
    回覆
    1. 佢唔係食客,佢應該是店東的朋友或親人!

      刪除
  2. 我都係,就算見到心儀明星都唔多敢打搞。^^"

    回覆刪除
    回覆
    1. 如果我見到張敬軒就一定面皮厚!

      刪除