孻女孻心肝

在家中是孻女的我童年時跟爸爸拍拖的日子特多,廟街、香港動植物公園、虎豹別墅及荔園是我父女倆的拍拖勝地,就算爸爸要返下午班在我放假的日子他也會一早帶我到快餐店吃罷午餐才返工,尤記得大X活的原條燒肋骨及7仔的1公升汽水我們經常一起去嘆!

所以得知尖沙咀開了荔園茶餐廳我當然要第一時間去懷緬小時候的情懷吧!
餐廳內當然少不了荔園最出名的動物,如吉祥物老虎仔便作了店家的招牌!
天花掛有數隻木馬作裝飾,旋轉木馬在大家心中應該留下不少烙印是嗎?
這個會響噹噹的船相信是唯一不令我暈浪的船吧!
而餐廳牆上亦都掛滿了不少昔日荔園的地圖畫還有大像天奴的肖像,我好記得天奴好曳㗎成日噴水落遊客處。


餐廳門口更有爆谷賣盛惠25個大洋!
這一晚我跟友人坐在於畫滿荔園情境的壁畫下的卡座下用餐,在這環境下吃得更有感覺!
而我一早就盯上這個鮮菠蘿冰$31,菠蘿冰係我自細到大最愛喝的茶記飲品,這兒的出品更會附上半個新鮮菠蘿,真係又好玩又好飲呀!
原本諗住菠蘿自己榨汁會有些困難!但其實又很容易只須三兩下手勢已經榨出不少新鮮菠蘿汁了。
將鮮菠蘿汁注入餐廳已預先準備的氣水底中,香甜的新鮮菠蘿冰就誕生了,是否因為自己動手做的關係飲落去真係好香甜好好味呀。
論到茶餐廳美食當然不能少了炸雞髀那份兒啦!荔園招牌炸雞髀配有機田園沙律$48,睇落去價錢好似有些貴!但係隻雞髀其實大過我塊面,而且用上有機沙律菜來配搭即時升不少呢!
金黃雞髀炸得極度香脆,雞皮咬下如薯片般香脆可口,內裡肉質嫩滑不過熟,實在美味得過份。
我真係冇講大話喔隻雞髀真係大過我塊面呢!{事先聲明車媽媽塊面已經係勁大的}
另好友點了彩椒牛肉煎脆麵$78,賣相極度攪鬼棟篤企的炸麵做得香脆非常,吃下去裡裡外外也卜卜脆,加上香濃的獻汁吃味道口感也確是出色。
而廚師更推出這款童年外婆釀糯米烤雞$158,跟我一樣是懷念童年時的味道的一道菜式。
大廚用上法國春雞釀入糯米、冬菇、臘腸及臘肉後再先蒸後焗來製成,吃下雞肉酥軟內裡的糯米飯夠軟糯,我真感受到大廚童年的那份味道!
另外點多一客法式焗芝士白菌忌廉石斑魚柳番$78,看它面層焗得焦香的外表已十分吸引!
那件石斑柳身形十分龐大吃下去富有彈性質素不俗,飯粒亦尚算乾身喜歡芝士的我就想多些芝士就更加合我心意啦!
吃飽飽鹹食之後當然要照顧一下我哋的甜胃啦!招牌溫泉蛋西多士$36,甫上檯真係好鬼有驚喜!因為我見到蛋黃哥趴咗喺件西多士上面嘛哈哈!多士不必再下糖漿因為已經配了焦糖漿在內,吃下去挺香甜加了溫泉蛋後感覺滑溜咗都幾有新鮮感喔!
但我更喜歡這份煎Pan粒粒西多士$32,多士一口一粒四邊都做得香口,吃下蛋香夠濃同樣亦已混入了糖漿,甜度恰到好處我十分喜歡!這兒食物水準十分不錯而且價錢都可接受,大家去開尖沙咀都不妨去回味一下童年嘅味道吧!

留言

  1. 又一齊出啦,心有靈犀呢!

    荔園真係一個充滿快樂童年回憶嘅好地方!

    回覆刪除
    回覆
    1. 好懷念兒時的純其快樂!btw劉總呢世都咪使旨意同我絕交呢haha~

      刪除

張貼留言

熱門文章