秋天便要*鍋*在一起

終於都感受到秋意盈盈的天氣！沒有了熱辣辣黐笠笠的感覺就更喜歡黏著車爸爸，所以上星期六晚餐我們便要*鍋*在一起吃溫馨滿瀉的羅家火鍋，雖然這夜吃至橫跨星期日(真誇張)！不過確實吃得好滿足好開心呢！首先我一早用蘿蔔滾定湯底感覺好似冇咁熱氣呀嘛！

那天逛街市見到有什麼靚食材就買回家作生料，左面的是新鮮大扇貝肥美厚肉鮮甜非常，右面是水魷魚發得夠爽口，而且還有魷魚香氣不會只有鹼水味是車爸爸的至愛呀！

沙蜆亦是羅家經常出場的海鮮，又平又好味蒸、炒、烚同樣出色，我幫襯那一檔的沙蜆浸得好乾淨基本上係唔會有沙所以吃得好放心。

另外還見到有游水泥鯭肥美又大條，灼至剛熟吃下肉質細嫩味道好鮮甜，白蟹唔算大隻不過都幾爆膏㗎！而且蟹肉好實淨亦夠鮮味，不過一百三十多元一斤又真係貴了些！我好記得早十年前這一種白蟹只售三十多元一斤咋！不過十年光景香港變化都很大更何況係蟹的價位呢！！

肉類就簡簡單單買一隻全雞，用紹興酒加少少鹽醃一醃，灼熟便有又香又滑的雞件吃了。

打邊爐車爸爸對蔬菜需求都好大，所以我就買了不少新鮮生菜，另外買了一條我自己喜歡吃的萵筍，怎料清麗村姑更為我送上一些新品種的秋葵，此新品身型會比較圓碌碌沒有起角，但吃下會比平時吃的秋葵更加嫩滑我好喜歡啊！在此多謝好友經常眷顧我的饞嘴。