灰過灰狗!

小妹自從十月頭加入果粉行列都過了一個幾長的適應期!終於用了半個月時間叫做適應咗!

怎料去到上個星期六晚當我Update完程式後竟然Lock咗機!所以星期天便匆匆走去Apple搞返掂佢!聽店員的推測是因為我由Android程式轉ios所出現的問題,OK總之搞返掂便算了點知去到星期一晚部機忽然又出事!畫面沒反應但手機是運行的真係激到我紮紮跳,所以星期二又要攞去整多次!店員用了三下手勢就幫我開返部機原來又係ios11的錯,大家如想Update要仔細考慮一番才決定!
醫好手機後在灰過灰狗的情況下去Greyhound Cafe吃我的午餐相信最切合到我的心情哈哈........
餐廳位於商場靠邊的位置所以有自然光透進,氣溫亦相當和暖當然對於我來說係有些熱呢!而檯與檯之間都幾密集,喜歡有私人空間的朋友就未必喜歡了!
瞓醒第一餐最好都係食碗粉會比較合適,所以點了大蝦冬陰功湯河及我最愛這兒的泰式凍檸檬茶。
這兒的泰式凍檸檬茶$38價值真是不菲!不過茶味確實十分香濃,那份獨特的茶香加上清爽的青檸令人留下深刻的印象,加上冰粒也用上茶冰感覺好像價錢合理點!
冬陰功大蝦湯河$98內有一隻超大鮮甜又彈牙的大蝦質素很不錯,冬陰湯味道好濃郁不過酸度就過份強烈,連不怕酸的我也覺得有點兒Over!!
用的是正宗泰國粗河粉質感很滑溜,而且索湯能力亦高,如果不是味道太過酸的話這一碗冬陰功湯河分數其實都可以很高呢!在此希望我的手機生生性性唔好再發脾氣便好了。

留言

張貼留言

熱門文章