02 11月, 2017

萬聖節特備節目

萬聖節大家玩得開唔開心呀?而車媽媽今年萬聖節有個特備節目就係去咗醫院過!皆因那天我要做一個脂肪瘤切除手術,所以下面會有我未切除脂肪瘤的相片!如果大家怕的就唔好睇落去啦!

31/10那天早上7時30分準時到達醫院辦理入院手續,然之後就做一切手術前的準備,心情難免緊張但又未算怕啦!
這一個就是跟隨我十多年在膊頭上的脂肪瘤,由初時五毫子大到十多年後長大至5cm那麼巨型!都係時候跟他作個了斷!之前一路唔的起心肝去做手術係因為車車還在,唔想要留院的時候返唔到屋企!所以就到今時今日才決定去做手術。
車爸爸跟我在醫院辦理好入院手續之後便不可陪伴左右,這張相是他在家影過去的真的令我十分安心!他說可以遙遠地陪著我呢!
我的手術由下午2時開始進行,當我醒返的時候朦朦朧朧看到已經是下午3時30分,回到病房後第一時間就打比車爸爸通知他我手術完成及在哪病房!

到係5時點30分車爸爸已經準時到來探我,我人都經已清醒了而且肚餓得十分嚴重呢!
拆返人間後第一餐給我吃的是南瓜素肉粥,不消數分鐘給我全部KO但還未滿足!皆因我已經接近16小時沒有吃東西了!!
最後病房姐姐見我餓腸轆轆的樣子怪可憐!給多一份蒸節瓜及白飯我!吃後才覺得有點滿足我真係好大食呀!怎料到晚上10時許個肚又開始打鼓!這時候想落樓下小食機買嘢食,不過姑娘話有餅及牛奶可給我太好了!吃飽飽之後就歷史的早睡著了!!
可是整夜晚也睡得不好!皆因對面床的兩位婆婆身體應該十分不適全晚的嚷著叫痛叫姑娘所以身體健康真係好重要,在此我也祝大家身體健康、沒病沒痛
朝早7時醫生已經好勤力的來巡房,看過我的傷口後就批准我可以出院回家Yeah~我第一時間就去吃個早餐,一客普通的豬扒通粉已是我的人間美食了!
回到家還有老公昨夜燉起的冰糖雪梨水,十多年前車爸爸割斷手筋的時候我聽講雪梨水對傷口癒合會靚好多,所以我就每天燉給他飲所以他也照辦煮碗燉給我,不論有冇作用內心已經感受到那份甜蜜,而且他還將家全屋消毒待我回家有一個無菌環境下安全休養,絕對絕對感覺到這是愛呀!!我休息多一輪便會很快跟大家見面的等我啊。

10 則留言:

  1. 有老公支持同疼愛,一定好快好返!
    等妳精神好D,隨時來元朗(但唔好星期一因為唔開),開心豬扒飯等緊妳 ;)

    回覆刪除
  2. 做完手術已有返胃口食野,好叻叻呢!

    傷口點呀,會唔會好痛?祝妳早日康復,可以重返吃吃喝喝的快樂生活! :)

    回覆刪除
    回覆
    1. 吃貨任何時刻也有胃口hehe~傷口唔痛啊!多謝掛心和祝福^0^

      刪除
  3. 小心食嘢呀! 唔係就有疤痕咖啦!

    回覆刪除
  4. 有個咁細心既老公好幸福呀! 車媽媽, 祝你早日康復! 傷口快D消失變靚靚!

    回覆刪除
    回覆
    1. 希望疤痕不要大樣衰啦!多謝妳問侯^0^

      刪除