鮨千寿

好快又到聖誕節了上星期日跟車爸爸去買聖誕禮物給朋友們,想買晒所有朋友的禮物而又不用東奔西跑,相信去大型商場就最適合不過了!所以我哋決定走入好耐冇去的屯門市廣場買禮物!

而我們的午餐就決定到這一間鮨千寿吃日式料理,一點鐘到達的時候等了大約五分鐘便有位, 之後就已經全院滿座了都真係好旺場喔!!
看見壽司吧有數位師傅密密工作就知有幾爆場啦!看一看餐牌後我倆火速已經點下心儀的美食!
大家看到嗎!有三份那麼多前菜、小食,原因係這兒的午市餐牌全都是套餐來的,所以我們點刺身的時候一個不留神哋點了套餐也不知但不要緊今日有我個世紀黑洞在旁相信唔難KO所有食物的。
用胡麻醬配襯的沙律菜吃下好爽甜,上香而不俗份量恰好的胡麻醬成件事都好清新又靚仔。
而前菜芝麻豆腐則挺香口!麻油的香味配合嫩滑的豆腐,小小的一口都幾合我心意~另外還有一些爽脆的漬物!

麵豉湯跟刺身和鰻魚飯同上的,喝下去都算足味,而且不太有味精的感覺不錯耶!!
特上刺身御膳$198內裏包含9款剌身,包括牡丹蝦、鱆紅、三文魚腩、海膽、油甘、帶子、赤身、大拖羅及立魚還有以上的沙律、前菜、海鮮蒸蛋、白飯、漬物、麵豉湯及甜品, 一上檯見那麼新鮮的刺身感覺真係好抵食囉!
三文魚腩肥美非常充滿魚油香氣,肉質又夠紮實,絕對是上等貨色。
大拖羅實在肥美到我有點吃不消!雖然如此但好香好油潤,不過我還是喜歡赤身多一點!
牡丹蝦絕對是我最愛之一!蝦肉軟糯香甜不止,連蝦頭的膏亦甘香非常,用來拌白飯吃絕配也!

別忘記這套餐內還有海鮮蒸蛋,鮮甜蟹肉再加上滑溜蒸蛋又是吸引非常,不消一會便被我吃光光嚕!
車爸爸就看上這個立魚泡飯$68,同時配有沙律、前菜、海鮮蒸蛋及甜品,份量恰好一位享用,嫩滑的立魚下配上充滿茶香的湯汁,成件事好清新可人喜歡清淡的朋友必愛!
最後當然少不了我最喜愛的鰻魚飯$108,亦都包含有前菜、沙律、麵豉湯、漬物及甜品,丼中有兩件身型健碩的鰻魚燒得挺為香口而魚肉亦有質感,但那個鰻魚汁如能再香甜多一些相信會更加吸引!
今天的甜品是抹茶蕨餅,煙煙韌韌加上甘甘的抹茶味也等算不俗!這店的午市套餐看價錢須則不算便宜,但性價比絕對不低可以再返兜啊~

留言

  1. 鰻魚飯萬歲!呢個係無飯癮嘅我少有會食架!

    車媽媽好有心呀,除咗幾位同事,我一向甚少買聖誕禮物俾人,嘻嘻!

    回覆刪除
    回覆
    1. 鰻魚飯真係好吸引架!普天同慶的日子大家開心吓嘛!

      刪除
  2. 又多一間wish list,要努力清文然後抽時間去食呀

    回覆刪除

張貼留言

熱門文章