親親小寶寶

上星期六跟麵包、辣糖又去探Cola同茶走今次仲有Jessie一起來呢!一排冇見細膽茶走大個仔咗好多仲開心大膽咗呢!!一到Staice家先派糖賄賂兩位小寶寶!

Cola從來乖女不過美食當前什麼儀態還是會拋諸腦後,反觀茶走對美食須有渴求但不強求好有性格呢!



派糖完畢當然係到抽水時間,茶走好識避鏡頭要用點時間去捕捉他!


Cola豬影相較Cool真狗就熱情如火,果然是有港女風範哈哈哈.....

Staice須剛過了生日但有心唔怕遲嘛!一見到東海堂這柴犬蛋糕也不理味道如何第一時間選了它!係咪同茶走好似樣呢!!


玩了數小時兩隻小寶寶已累到一個點了!我們也是時候要走了下次再見喇!!

不過恰巧遇著一年一道真君寶誕,我當然不會放過到青衣戲棚掃街啦!一於拉埋麵包、辣糖入去逛逛。

美食檔位數以十設,好多特式美食,但已吃了午餐的我們只選了數款美食來解饞!一入場內見到這個過癮的糯米金銀蛋,糯米太頂胃所以沒試!

而喜歡吃金蠔的我和辣糖要了一串蜜糖燒金蠔$40/串,味道一般旨在一試沒多驚喜!

場內有兒時的快樂回憶吹糖檔口,記得細時不懂吹很快便吹破,如果吹到指定大細更可獲得大獎係師傅的靚靚拉糖公仔,有得吃又有得玩一舉兩得!
但我更愛吃大菜糕蛋$5,記得最後一次吃已是牛頭角下邨未折時內的小店,我平時不太愛吃大菜糕!但大菜糕蛋就喜歡到不行!


我們還吃了這一檔的狗仔粉$27,是檔主母親用手製的狗仔粉,入口滑溜到不行超級好味道!加埋自家製辣菜脯我完完全全被征服了!

最後還有臭豆腐$15籍著有辣糖分享便吃了一件,豆腐味道不夠臭汁醬亦調得不好吃麻麻哋咋!
其實仲有好多嘢想食!期待下次有機會再來盡情掃街吧!

留言

  1. 突然至發現兩隻毛孩個名改得好好呀,原來係同顏色夾架!

    回覆刪除
    回覆
    1. Haha係啊!是牠們媽媽精心挑選給牠們的名字^0^

      刪除
  2. 茶走大得好快,搞到Cola好似細隻左的錯覺!

    回覆刪除

張貼留言

熱門文章