14 5月, 2018

*泰*美妙

自2007年起連續十年被當地雜誌Thailand Tatler票選為最佳泰國食府曼谷的Nara Thai Cuisine,最近來了香港新城市廣場喇,喜歡吃泰菜又未能親身到泰國的朋友可方便了!

而喜歡吃泰菜的我當然第一次去朝聖!就在新城市廣場一期五樓方便易找!有一點要留意試業其間餐廳不設訂座㗎!
餐廳室內設計環境時尚舒服,休閒梳化位及吊扇令客人仿如置身泰國無異。
先點上我不能抗拒的紫色飲品蝶豆花茶$38,藍色的蝶豆花茶遇上青檸汁即時變奏出迷人紫色,味道清新可口很合我意!

先來一系列泰豐富的前菜,色彩鮮明的泰國菜總叫人興奮莫明!
先品嚐泰式生蝦$118,份量很足的生蝦肉質挺爽口,生蝦汁對我來說不夠刺激,但一般客人應可盡情要享用!
另有異曲同工的泰式三文魚刺身$108,多了一份油香的三文魚口感柔軟,新鮮度亦不俗跟生蝦各有千秋!
吃泰國菜我必點的青芒果扎肉沙律$88,青芒味道清香又爽口,加上炸過的扎肉口感很豐富,不過這沙律是不辣的又幾特別喎!
再來是生菜包東北豬肉丸$88,這個豬肉丸炸得香口非常,而且內裡很Juicy,用上爽脆的生菜盞配豆角、青瓜和薄荷葉,還有帶辣勁的汁醬一同吃真的很和味!

這個泰式魚餅$88充滿彈性口感相當出色,紅咖喱加檸檬葉是永遠的好拍檔惹味誘人!
吃泰國菜相信少不了冬蔭功$108那份兒,這裡的口味較酸甜辣度不太勁,怕辣的好友也能輕易完成,內裡的大蝦夠鮮甜又爽口質素不俗!

主菜點了黃咖喱軟殼蟹$188,香濃滑溜的咖喱汁配合印度濤薄餅很魔鬼,但也不夠配飯那麼邪惡呢!


主食還有以蝶豆花入饌的泰式香草脆魚炒蝶豆花飯$88,用上蝶豆花、炸魚碎、炸香茅碎、檸檬葉及乾辣椒炮製,聽聞具有抗氧化及養顏功效呢!
Nara原先以船麵起家所以香港店都有齊三款口味,湯底是利用豬血、牛骨肴成特濃湯底,再配上椰汁烹調,令喜歡吃船麵的我十分期待。
泰式牛肉船麵$98以牛骨、豬脊骨及桶骨、雞腳等淆湯,加入檸檬葉、斑蘭葉、泰國芫茜、洋葱、桂皮、丁香、八角等香料熬約3小時而成,配料就有肥牛、泰國牛丸、牛腱、豬油渣及炸豬皮,那香料味道吸引到不吃牛的我也十分欣賞!但幼身金邊粉索湯好快上檯後要快食呀!
清湯冬蔭功豬肉粉絲$78同樣以豬骨及雞淆成味道較清新,配料就有豬肉片及富肉香的泰國豬肉丸,湯頭味道微酸挺開胃,粉絲口感也十分不俗!!
最後是我至喜歡的彩虹湯魚片米粉$78,彩虹湯以豬骨作調,加入由泰國入口的紅豆腐醬、南乳、蕃茄及紅醋等混成,拌勻後湯頭呈嬌嫩的粉紅色,配上泰國長形魚蛋、魚片及炸魚皮,入口有酸甜有緻令人垂涎!
到不能少了的甜品環節,點上兩款來和好友共分享!
這份椰子雪糕伴8式配料$58最合像我貪吃的人,8式配料有椰果、馬蹄、粟米、紅豆、涼粉、清心丸、大樹菠蘿及珍多條等!
選上心水配料放入椰子雪糕內同吃好有個人風格,我就最喜歡馬蹄和大樹菠蘿跟椰子雪糕味道很匹配呢!
芒果糯米飯伴椰奶$58,水仙芒果清香甜美,糯米飯軟糯恰好,加上鹹甜適中的椰奶,這客芒果糯米飯伴椰奶我鍾意啊!
現凡惠顧滿$600或以上可獲贈精美禮品兩份,內裡是印有餐廳名字的精美木筷子匙羹套裝,數量有限送完即止㗎!

6 則留言:

  1. 最後個榴槤仔好可愛!!!

    回覆刪除
  2. 近年好似好興用蝶豆花做飲品食物,之前睇生果日報見到介紹用蝶豆花做砵仔糕。

    回覆刪除