掛念、驚嚇羅家飯!!

這篇有兩餐包含掛念、驚嚇的羅家飯大家必要細意品嚐!26/5一個超掛念的日子!是車車的死忌眨眼已過了一年,時間果然不等人!現在可以為他做的除了掛念便是在特別日子為他如素積德,期望在遠方車車各樣安好車媽媽便心滿意足!

中午到三哥吃了素米線後便到街市買菜,決定煲素湯和炒伊麵,素湯材料有紅蘿蔔、粟米、牛蒡、淮山、馬蹄、栗子和腰果,再加多一片靚果皮,出來的味道比有肉的更香甜,平時不好湯渣的我倆更出奇的喜歡吃此湯渣,尤其是淮山、栗子和腰果勁香甜好吃。
弄了一碟干燒伊麵只須一點草菇、韮黃炒香已十分好味道!
車爸爸知我心情一定不佳買了甜品回來,須然不好吃但也甜在心中,多謝你!!


之後有天買了鮮蝦怎料車爸爸要夜收!唯有獨力大拆擦鮮炒了個香辣鮮蝦公仔麵,吃罷真的飽到上心口呢!
早前熱到車爸爸胃口不佳,這夜弄了炸菜肉絲湯米來解暑,濕濕哋較好入口而且炸菜肉絲夠惹味,再買多對超靚燕星清蒸又攪掂一餐!
肉絲用了鹽麴來醃出來效果又香又淋,米粉我喜歡用褔字貪其夠滑溜,自己較個靚湯底加點菜便可!
這對超靚燕星肉質嫩滑,魚味超香甜好好味,最後當然吃剩棚骨啦!
到了最驚嚇的一天!跟好友吃過下午茶後到街市買餸回家,還開開心心的盤算弄個蜆湯粉絲節瓜和蒜頭豆豉蒸排骨,怎料差不多到煮飯的時間忽然聽到背後有拍翼的聲音!心知不炒即時慢動作取了電話,然後向後一瞄!頂吖真係有隻飛強在房門上的天花線處!最後只有九秒九衝去洗手間哭著等了半小時!待車爸爸回來攪掂佢!所謂一吋長一吋強、兩吋長好很強!所以最後蜆湯粉絲節瓜只好變成清蒸蜆囉!
蒜頭豆豉蒸排骨好彩一早醃好,否則透這夜吃罐頭都有之!!
好彩吃飽後有堂島卷定驚,原味堂島卷真的百吃不厭,我倆可以一夜KO一整條呢!希望以後也不會有強入屋便好了!!

留言

  1. 第二餐飯真係好嚇人......... @@

    回覆刪除
  2. 好在有車爸爸極速回來營救,又有堂島卷定驚咋!

    Btw,好很強真係笑C我,但其實都係一邊笑一邊心慌慌。^^”

    回覆刪除
  3. 小強已經夠驚,仲要識飛的,真係嚇屎人

    回覆刪除

張貼留言

熱門文章