幸福週末

車爸爸大假須已放完,不過近來只開工時間只在下午410,所以多了很多早午時間出來,這些偷歡時間最好就係去吃頓元氣Brunch喇!

好似月頭的星期六我們更約同好友到FUMI吃Weekend Brunch,係呀我哋真係去日本餐廳食Brunch喔!事原係上月在餐廳吃完飯後,餐廳經理為我們介紹過這個Brunch,吸引之處是All You Can Eat Sushi係咪正先!
而且七月份每位惠顧套餐的客人均可免費獲贈原價$128/位的 Free Flow Drink,可任飲朝日啤酒、三得利啤酒、大門 ✕ 文・純米吟醸及各款汽水,真係優惠得太吸引了!
由小食到甜品共六道菜,當中壽司係放題即任點任吃喔,認真挑戰胃納容量!侍應先送上精選小食六款,還在世界盃期間睇波的好友見到即時想帶它們回家吃呢!
接下來有暖暖的麵豉湯,喝罷再吃新鮮的食材就更加舒適!
先來新鮮熱辣的雜錦天婦羅,炸漿輕脆不油內有兩件可口炸蝦天婦羅,而且還有玉米筍、秋葵、茄子等清爽蔬菜天婦羅,在熱氣感覺之中帶來健康一面!
串燒有牛脷、免治雞肉棒、雞翼及香菰,燒得恰到好處,食材香口得來亦保持到應有水份!
當中最吃得我最冧係免治雞肉棒,外面焦脆香口,內裡肉汁豐盛可口到不行啊!
牛脷當然全數撥入車爸爸口中,見他吃至一粒不留便知是好東西了!
然後到這天的重頭戲任食壽司,有鯛魚、油甘魚、深海池魚、三文魚、帶子、左口魚、甜蝦、呑拿魚、鰻魚、香蔥碎呑拿魚腩卷、加州卷及玉子壽司足足12款選擇,那便先來一Round全數看看水準! 




自砌的壽司拼盤賞心悅目吧!呢個時候口水已不能自控了!
油甘魚和深海池魚都擁超高質素,小口的壽司飯鬆緊恰好絕不因任食而變得大大件,跟平常一樣精緻矜貴抵讚!
另外帶子、甜蝦壽司質感亦軟綿黏糯,真的要多吃一轉才對得起自己呢!


鰻魚壽司絕對是油潤甘香之物好好吃喔!最後香蔥碎呑拿魚腩卷亦充滿魚油香氣正到不行!


另外加州卷都好脆口內有我喜歡吃的牛油果,是我吃過數一數二好味道的加州卷!整體的表演十分出色我覺得$450/位十分超值呢!
最後還有是日精選甜品櫻花雪糕作完滿的終結,吃罷車爸爸便要乖乖返工去,我又可以獨自去偷歡Shopping嚕嘻嘻!!

留言

  1. 壽司任食我要pass,改派Matthew上場就抵喇!

    回覆刪除
  2. 呢場任食壽司睇落質素好鬼高呀,自砌嗰碟壽司拼盤,唔講我會以為係廚師發板添呢!

    回覆刪除

張貼留言

熱門文章