彩虹味力

我覺得色彩繽紛的顏色總是令人開心的法術！像天朗氣清我會想起養眼的綠色，跟老公浪漫溫馨的時刻當然是浪漫紫色，喜慶節日必定是大紅色，而心愉快的日子我便想起七色彩虹！

而沙田萬怡酒店的MoMo Café正推出了彩虹派對自助晚餐，由即日起至 9月30日供應，收費星期一至四成人＄468、小童＄278，星期五至日及公眾假期成人＄528、小童＄318，OpenRice更有8折優惠詳情按此，大家便可以用嘴巴來吃出開心法術啦！

步進餐廳竟然見到十部扭蛋機，比大細路車爸爸見到一定開心C佢！

踏進餐廳用餐區先見到不少款式的甜品專區，有楊枝金露，另外有8色配料可混成自製涼粉或不同口味的豆腐花！

還有可以止止台灣癮的芋圓黑糖糖水，話時話我在台灣真係冇食過芋圓喎！

新鮮的切件生果有哈蜜瓜、菠蘿、西瓜，仲有後方的完隻生果！

轉角有Cup Cake、意式奶凍、抹茶泡芙、朱古力蛋糕、玉桂蘋果金寶、抹茶林明頓、桂花糕、菊花桂花糕、士多啤梨撻、美國芝士蛋糕、貝殼蛋糕等等，款式口味都好多選擇啊~

另外還有麵包布甸、杏仁酥、葡撻，仲有鮮艷奪目的即製窩夫和班戟，窩夫更有七款口味輪流登場，包括有榴槤、咖啡，和這夜的斑蘭、紫薯及抹茶味。

另外雪櫃內放滿透心涼個雪條！全是自家製作每晚輪流供應包括珍珠奶茶、柑吉檸檬、蜂蜜香茅及熱情果等，味道相當吸引呢！

不愛吃雪條不打緊！另有Häagen-Dazs小杯雪糕任吃！

甜蜜過後到其它鹹食，沙律檯上有新鮮沙律菜、紅腰豆、青瓜、車厘茄及玉米筍，另備多款汁醬供大家自混獨特口味！

頭盤區有凍肉、芝士及醃菜，麻雀雖小，五臟俱全啦！

仲有不少涼菜和小吃如意粉沙律、尼斯沙律、豬頸肉沙律、粟米沙律、煙三文魚、涼拌貢菜、果香蓮藕甜茄、桂花蕃茄、滷鴨舌、及雪裡紅等，都很是豐富而且挺合我口味！

冰鎮海鮮有生蝦、黃金螺、蟹腳、龍蝦、龍蝦鉗、蜆及藍青口，都係新鮮貨色應可滿足海鮮迷的！

隔籬便是即煮亞洲粉麵檔，供應三款湯底包括麻辣、酸辣和雞湯，自己夾好心水配料選好麵底交給廚師，記得取檯上的號碼竹籤煮好後有專人送上檯，那便可以再四處覓食了！

再行過點有三款燒味，油雞、叉燒及燒鴨，看見肥嘟嘟的油雞勁想食啊~

是日燉湯係無花果雪梨燉赤肉，清甜美味又足料必要飲一盅啊！

熱葷都有不少可選如草莓小排骨、瑤柱菜膽、椒鹽鮮魷魚、醬燒京蔥海參、葡汁焗魚柳、香煎比目魚、蜜糖蕃薯、炸豬扒，都好豐富呢！

是日西餐湯是充滿童年的味道海鮮蕃茄湯！！

而這即煮檔是供應即煮意粉，熱辣辣煮起總是吸引！

另有西班牙海鮮飯以Bomba米加入大蝦、蜆、青口等材料炮製而成，鮮豔奪目很吸引！

另還有鹽焗三文魚、烤西冷牛扒、牛仔骨、香腸、烤多春魚、烤雜菜和烤菠蘿得香口熱菜！

日式區有多款刺身包括有，鯖魚、鯛魚、八爪魚、三文魚及希靈魚，還有數款前菜及卷物。

飲品方面可以另加由＄58~88，Free Flow氣水、啤酒和紅白餐酒。

開餐喇先吃一大碟精前菜沙律打打底，鴨舌、貢菜係似我心水推介，沙律菜配蜜糖芥末汁醬好甜美很好味呢！

凍海鮮中爆膏龍蝦多汁又鮮甜，蟹腳亦充滿海水鮮味，黃金螺很有咬口又濃螺香，凍海鮮質素我表示滿意！

刺身及前菜中當然大愛吃我至冧的味付螺肉，而三文魚刺身亦夠新鮮。

無花果雪梨燉赤肉夠足料，喝下清甜滋潤正啊~

熱食中最吸引我是質感恰好醬燒京蔥海參，和香口的炸豬扒配芝士醬，另外蜜糖蕃薯都好有驚喜呢！

飽肚的當然係粉麵和飯，當然要試賣相吸引的西班牙海鮮飯吧！另外加多少少咖喱配香飯，和充滿童年的味道海鮮蕃茄湯好滿足！

不過最有驚喜的是這碗自選即煮的麻辣油麵，用上魚蛋有心型仲有星型可愛度超高，麻辣湯底看似平凡吃下香辣度也滿有驚喜我很喜歡！

吃飽飽梗係食甜品，色彩色繽紛的甜品您又想吃那款？

先吃新鮮生果有我至愛的死八婆當然不客氣地盡情吃啦，其實西瓜同哈蜜瓜都好正架！

窩夫這夜有斑蘭、紫薯及抹茶味全部掃回來一同分享開心，而前方的菊花桂花糕清香爽口十分好吃必試呀！

豆腐花還是喜歡傳統配黃糖，另外試埋沒在台灣吃過的黑糖芋圓糖水，甜胃表示滿足了！

滿足還滿足但不吃仍須吃啊！皆因餐廳竟有自家製雪條仲有四款口味之多！包括有濃香的珍珠奶茶、酸度強勁的柑吉檸檬、清香口蜂蜜香茅及充滿熱帶風情的熱情果，質素不俗喜歡吃雪條的朋友仔一定開心C！滿足到不行的一夜又過去！好友已經密謀再到30樓飲酒吃海鮮，OKOK我必定捨命陪君子的！！