小島怡情

好多朋友知我好怕搭船，冇辦法次次都暈船浪！希望港珠澳大橋快些開通就好了，不過貼心的朋友知我愛吃澳門菜，得知時代廣場開了間小島•澳門菜便約我去開餐！

熱辣辣先來杯熱情果梳打＄42，酸酸香香的挺解渴！

不過大家對這杯格蘭披治＄52更感興趣！貌似朱古力奶好普通，但加了薑、Tabasco同黑椒又真係聞所未聞，飲落去香香辣辣冬天應該合飲些！

大家也肚餓先來客香草芝士蒜蓉包＄48，烘得香香的蒜味也不俗！

小島拼盤＄172內有香口芝士馬介休球、黑松露芝士脆多士香脆多士加上芝士同黑松露總不會難吃，辣度不弱的霹靂醃魷魚，黑毛豬火腿米紙卷和有咬口不肥膩的黑醋豬手！

想食海鮮粥可惜售罄！唯有轉投葡式檸檬白酒煮海蜆＄118的懷抱，充滿牛油香氣加上新鮮花甲不錯啊！

吃澳門菜怎少得葡式香烤乳豬件配薯菜＄218，皮脆肉香合格有餘，伴碟的薯角香口粉淋成為眾人爭奪對象！ 

而霹靂非洲雞配薯菜＄178亦是我心水之選，香辣惹味的醃料令雞肉更添風味！

小島鵝肝焗鴨飯 $168，煮飯時索了牛肝菌的菌香，再加入葡國腸、油浸鴨肉和橄欖一起炒至乾爽，最後加上法國厚鵝肝焗香，飯粒較濕身我覺得可以香多點點！

十月初五蝦籽松露意大利麵＄148，中西合璧又擦出到火花喎！意大利麵夠咬口，松露香氣很吸引！

甜品都頗有驚喜，經典焦糖雞蛋布甸伴蜂巢＄58滑捋捋的焦糖雞蛋布甸大家經常吃到，加了蜂巢又真係吸引多些。

不過這份果香軟心多士伴Movenpick雲尼拿雪糕＄68更加吸引！

濕潤甜美又鬆軟的多士配合雲尼拿雪糕冷熱交融滋味無窮。

另外葡式暖心甜薯蛋糕伴蜜糖乳酪＄62都十分吸引，究竟想迫死誰！！