離家出走@澳門Day One

足足十六年了!車媽媽終於衝出香港離家出走往澳門玩了兩天^0^
究竟有乜嘢誘因令到車媽媽會丟低羅車車自己出走去澳門玩兩日呢? 是因一班好友相約往澳門玩兩日一夜,而車爸爸應承幫手照顧車車那便速成這趟兩日一夜的小確幸,這次我們嘅住宿選了新開一年的澳門皇冠假日酒店
是日到埗澳門後吃過精彩午餐後,便在碼頭乘坐酒店的穿梭巴士到達酒店( 每30分鐘一班),在大堂辦好入住手續後便各自上房,安頓好行李後大家才集合繼續行程。
一踏進房間便是寬闊的洗手間,內裏設備應有盡有,除了浴缸外還有企缸花灑 ,龐大的梳妝鏡等。


而酒店用的是意大利品牌Borghese沐浴產品,信心保證可放心享用。


今次我好開心呀!因為我可以同甜魔媽媽和Chloe妹妹一間房啊!今晚一定要捉妹妹同我瞓先得^_^
床逸茶几上已放有生果和馬卡龍給我們享用,大家睇吓妹妹多開心^0^。






房內還有一個小小嘅工作檯,上有數個USB插頭不用擔心叉電問題,就算商務人士來住也不必擔心沒地方工作了!
當然不少得大電視啦!這兒的頻道有近成三四十個,想睇咩節目都輕易找得到啊!我跟妹妹還一同看了齣喜羊羊卡通呢!
這個櫃台中 近況有一些食品熱水器, 打開呀下面櫃門便是小雪櫃


而檯上還放著這個超好用的Hardy Phone,它可以免費撥打本地甚至乎香港以外五個國家嘅長途電話,而且仲可以帶出街用 ,實在太方便了!
好似我哋一行多人唔同嘅房間,只需打入房號,便可以即時通訊超正的設施啊!
呢個就係我哋房外景色喇!全海景還對住澳門嘅情人橋,好浪漫呢,而橋後的地方已經係珠海喇!
安頓好後便行都去酒店的藍灣全日餐廳 Cafe Azure吃下午茶,先去參觀一吓位於2樓的宴會廳!
這個宴會廳佔地七千幾呎,抬頭一看那個超級巨型嘅水晶燈氣魄攝人之極,原來內裏足足有十六萬顆的Swarovski水晶,用上特有嘅技術令水晶像走馬燈般閃出不同光芒,有氣勢餘更帶點浪漫氣氛。








而喺幕簾後的景緻更加令人心動,除全海景外還對著情人橋,可以想像得到如果係呢度擺婚宴 多有體面啊~


這種景色真係香港難求!!
而酒店更設有健身中心和遊泳池。
面對開揚嘅環境做運動身心也能得到快樂,而喜歡暢泳嘅朋友可往游泳池好好享受浮游樂趣!
睇完酒店所有嘅設施後其實已經開始有啲肚餓了,我哋已經約好一齊去high tea喇。
餐廳外有個小小嘅兒童遊玩區,妹妹見到可樂透了!
說時遲那時快tea set經已全數上檯。
看見那精緻的葡萄牙花碟足以令我心心眼了,再睇埋個價錢簡直係要呵呵笑囉!在這樣開揚的景觀下,這份雙人嘅下午茶餐只係$238(MPO),只能輕嘆一句為何澳門的食肆那麼便宜呀!!


這兒的鬆餅個子小小好的式,質感味道一般啦,不算有太大的驚喜。
而咸點方面款式都算多,有芝士風乾火腿多士,三文魚卷,大蝦沙律多士,黑醋野菌多士同埋蛋批。
當中我最喜愛當然係芝風乾火腿多士啦,鹹香火腿下面有軟滑嘅芝士,吃下十分融和。
而黑醋野菌多士就帶給我一個很新鮮嘅感覺,估唔到黑醋碰上菌類會這麼相夾的,可惜嘅係多七比較硬身,還有不少進步空間!
這兒的下午茶甜點反而沒那麼精彩,有雜果撻,芝士餅同埋我最鍾意的朱古力士多啤梨,不過幾款味道亦都不俗呢!
吃飽下午茶之後我便上房休息一會看看手機,因為大約六點多又再到藍灣全日餐廳 Cafe Azure 吃豐富嘅自助晚餐喇!
先話比大家知這秋冬滋補佳餚自助晚餐星期一至四成人$238(MPO)/小童$138,星期五至日成人$338(MPO)/小童$218,供應至明年30/1係咪抵先! 好等我帶大家睇下兩百多元嘅自助餐有咩好食啦?首先係甜品區時令生果都有4款,全部都好新鮮而且甜美。
紅莓香草奶凍,木糠布甸,芝士蛋糕,麵包布甸呢D一般自助餐有的甜品這兒都不缺少。












還可選擇即製班戟啊~我仲要求師傅整隻蕉落去變成香蕉班戟呢嘻嘻!喜歡的加杯雪糕在旁也可。


這兒有超正的可口可樂呵呵車媽媽可無限暢飲了,另外愛酒的朋友也有嘉士伯啤酒任飲喔!!
不喜歡飲汽水啤酒的話還有西柚汁可供選擇。
沙律櫃枱款式不算十分多,但係就帶有葡式風味也算特別呀!尤其是那辣沙甸魚大家一定要試呀,又香又辣好鬼過癮㗎!
不喜歡自己落手落腳去切沙律的話,簡單點可以吃現成撈好的沙律便成。
還有各式各樣嘅新鮮麵包可選。
來到燒烤區先有辣肉腸薄餅。
還有烤魷魚和我見到即是心心眼的烤菠蘿以及薯仔。
講到燒烤當然唔少得烤牛肉,羊架同雞翼啦!




熱葷方面有炆豬手,炸魚柳,雜菌時蔬,美味的燒味仲有金黃蟹蓋和咖哩炒蟹㖭,都好多選擇喎!










想食得正氣輕鬆D亦都得,有蒸粟米和番薯味道超鮮甜㗎!
到麵食方面一定要為大家介紹呢個Noodle Station,因為做得十分出色,佢嘅雲吞和菜肉雲吞都係上佳質素,聽聞牛丸更加係Outstanding呢。


唔好以為兩百多元就冇生蠔食呀呢度生蠔重要係即開嘅添問你開心未!今日供應嘅係澳洲生蠔,我試了幾隻都好新鮮呢。
刺身方面陣容世也少呀!有三文魚,吞拿魚,八爪魚,玉子,螺片和腐皮,仲有一D日式前菜例如我最喜歡的帶子裙邊同埋螺肉。
壽司質素亦算不俗,飯粒不鬆散而且餸料亦都新鮮好吃喔!


唯一比較弱少少就係凍海鮮,只有青口同海蝦,不過海蝦的質素係一絕,肉質彈牙到不得了呀!
還未夠喉嗎仲有炒飯供應,而且加入紅米感覺即是健康多了。
好啦講咗咁耐我要開餐呀!識食梗係食生蠔先啦,澳洲生蠔即開即食,新鮮非常,不過質感會較為creamy。
而燒烤方面好友取了點牛肉,羊架,魷魚,雞翼,薄餅以及我最愛嘅燒菠蘿,超多汁好好味呀。
沙律我就最鍾情那辣味沙甸魚,真係十分出色好吃,而且仲有我最愛嘅亞枝竹呢。
刺身前菜及凍海鮮每樣要了點點,當中海蝦真的好吃得沒話說,鮮甜爽口太美味了!而我最愛嘅前菜就係帶子裙邊,味道香口非常,三文魚刺身亦都好新鮮甜美。
壽司我吃了馬刀貝和甜蝦,尤以前者為好吃,馬刀見爽口彈牙鮮味十足,而壽司飯亦都香軟不散交足功課啊!!
雖然車媽媽不吃牛肉,但係看見這件烤牛肉真的口水直流呢!看那粉嫩的肉肉真的好誘人囉!
秋冬滋補嘅自助餐內會有淮山螺頭燉花膠供應,不過只限週未才有,平日來的客人可以享受淮山螺頭湯,只不過係冇咗花膠!這個燉湯熱燙非常,內裏有件個子不少的花膠,喝下清甜非常沒帶半點油膩,真的十分滋補呀!
而另一個滋補賣點就係人參,這煲人參燉牛尾雖然車媽媽無緣享用,但淨係用鼻子欣賞已經非常吸引。
第三樣就係蟲草花這個我絕對不陌生,因為係車爸爸的※飛佛※我平時多數會用來煲湯,但大廚用上蟲草花肉碎浸時蔬,吃落又真係豐口感之餘亦都十分清爽好吃喔!
這一碗便是我剛才提及好好味嘅雲吞餃子牛丸麵,雲吞質素超高令人有吃完一粒又一粒的衝動,甚至乎第二日嘅朝頭早我哋都再選了它作早餐呢!
雖然真的十分滿足但係蕃薯同粟米又唔可以唔食喎!就咁用來清蒸吃下清甜無負擔而且對腸胃都好好㗎!
最後來一碗滋潤嘅蘆薈雪耳燉雪梨,清熱潤肺,生津解渴,大家唔係唔飲係嘛!作為一個自助餐最完美嘅終結,它當之無愧了!!
吃完自助晚餐後我們蠢蠢欲動要出去威威喇!大家估下我哋會去邊? 那要留待下回分解啦!

留言

  1. 去澳門,我每次返香港都會去

    回覆刪除
  2. 齋睇自助餐嘅陣容都覺爆肚呀,出走呢兩日嘅決定係正確無比!

    回覆刪除
    回覆
    1. 係呀除了食外同一班好友一起確快樂無比呢!

      刪除

張貼留言

熱門文章