05 11月, 2016

離家出走@澳門Day Two

經過昨夜一輪激戰後( 下一篇再分享),第二朝早我哋八時許便到藍灣全日餐廳享用豐富的自助早餐!


車媽媽真係甚少食早餐,而且仲要係酒店嘅早餐心情難免興奮!首先見到嘅有窩夫和蛋糕。
各式各樣的新鮮麵包和新鮮生果。




原來自助早餐嘅飲品選擇更多有橙汁,蘋果汁,西柚汁,另外仲有穀物早餐配牛奶添!
沙律區方便都有藜麥和薯仔沙律啦,一些新鮮的沙律菜同埋凍肉供應。
當然唔少得嘅就係鈣質豐富嘅芝士啦!!
仲有我都幾喜歡的水果乳酪呢。
還有即製的各種蛋蛋,有太陽蛋,煎蛋,Egg Benedict,烚蛋同埋烤蕃茄㖭!


另外還有蜜糖多士,火腿,腸仔,鹽焗蛋,炒飯,炒河粉仲有煎腸粉呢,真係多到唔知食乜好啊~












不過我最愛係呢度原來有點心食㗎!有蠔皇叉燒包,懷舊馬拉糕,山竹牛肉,XO醬蒸排骨,仲有小籠包和鳳爪選擇十分之多喔!


勁想要回味一下昨夜的美味雲吞水餃呀!
仲有番茄炒蛋和煎肉碎,配炒飯食一流啦。
亦都有顧及北方人喜歡的蒸番薯和粟米,原來仲有煎蘿蔔糕, 唔怕凍冰冰嘅可以食爽口的日式冷麵做早餐都得㗎!




其實以上咁多款嘅早餐食物我都好喜歡,但係一見到呢個粥檔時車媽媽便十分興奮,先有一鍋白粥可配上十分多好味配菜,有我喜歡嘅榨菜,肉鬆,鹹蛋,蔥花,欖菜以及油炸鬼,另外仲有皮蛋瘦肉粥供應添!
最後車媽媽都係選擇食中式嘅早餐因為我真心喜歡食粥同點心呀!
先來一碗白粥基本上所有配料我都落晒所以好豐富,粥底十分綿稠,火候十足好好味呀^0^
而點心方面我除了蒸排骨同鳳爪,另外仲取了多叉燒包,全部質素亦都十分不俗呢!
當您見到朝頭早都可以食到即製嘅香蕉班戟,那份感覺真係好幸福呀!
而甜魔媽媽母女的早餐就較為西式,呢個Egg Benedict外貌超正,可惜我哋呢一個就做得不夠流心了,但係清鹿村姑那一隻就相當流心,所以就睇你好唔好彩啦!
甜魔媽媽最愛新鮮生果,我都痴咗少少來吃呢。
西式早餐中唯一我最愛嘅就係穀物早餐,自小就喜歡吃這種穀物早餐,可惜屋企就唔多喜歡買嚟食,今日可以食餐勁喔!


呢個可愛的Chloe妹妹真係太得人鍾意吧!這天早上六點幾她去完洗手間之後十分甜蜜哋爬上我床跟我睡了足足兩小時才起床,這一刻見證了生女真係好Sweet囉!!
特別一提這杯香芒奶昔做得十分出色,香滑幼細不過甜十分好飲,但這杯芒果奶昔係優悅會客人的特別飲品來,不包括在自助餐內啊~
原來中式點心哪兒款式會不斷轉款,這次取了菠菜燒賣這個燒賣質素超高,內裏有十分多嘅菠菜而肉少,吃下完全不漏而且質感亦能保持著咬口味道十分出色,可惜蘿蔔糕就較為失望,不夠香味之餘質感亦不好吃呢!
粥迷的我還要吃多碗皮蛋瘦肉粥才罷休,皮蛋瘦肉粥同樣係綿滑可口,真係好好味喔!
借了好友的雲吞麵一影,可惜車媽媽已經吃不下了,希望有緣再來重溫啦!
吃吧早餐後我們便上房休息及執拾一吓,因為大約一時大家便要退房,再相約到酒店的皇廚中餐廳吃午餐喔!
同樣風景壯麗的皇廚中餐廳設於酒店的二樓,座位寬敞坐得極為愜意。
今天有幸品嚐到屢獲殊榮的行政總廚*吳迂慶*大廚巧手的精美出品好開心啊。
率先帶我們進入吳師傅美食世界的得獎菜係原隻子母蝦餃/珍菌蘑菇包/脆網牛肝菌卷。
左手面的脆網牛肝菌卷,咬下清脆玲瓏,雖則係菇菌類但係惹味非凡,而且毫無半點油膩感,十分出色呢,而珍菌蘑菇包像真度超高,而且包身鬆軟可口,可愛又好吃呀!
到我最喜歡吃的蝦餃,這個母子蝦餃的組合十分別緻呀!
先吃了較大的媽媽,餃皮爽口不黏牙,內裏嘅鮮蝦鮮甜兼彈性高,內裡還有點點芹菜和蝦籽來增添鮮香味,吃下十分滋味喔!
吃吧點心後再來的亦是得獎菜之一,鮮松茸竹笙燉老雞湯,湯色清澈迷人,那件小巧可愛的松茸竹笙索滿湯汁精華異常好吃,而且燉湯熱哄哄的上檯,喝得我們各位也全身熱燙啊!
喝吧熱辣辣的燉湯後各款招牌和得獎菜亦陸續上檯,先嚟又係得獎菜柚子脆皮手吊炸雞。
巧妙哋炸雞跟柚子沙律分開呈獻,炸雞做得算香脆,雞味亦足,最緊要係沒有過鹹,加上清新嘅柚子雞絲沙律,食落完全沒油膩的感覺。
這個可愛嘅菜名叫做東星橫掃油尖旺,亦都係餐廳嘅招牌菜之一,用上矜貴舢東星斑配上松子黃魚的做法,肉質當然比黃魚更勝一籌啦!
不過全日我最愛嘅係呢一味絕代雙椒炆豬手,豬手炆得軟糯而不散淋,咬下微微滲出辣勁,超級惹味即時教好友要叫白飯來撈吃呢!
接著便是桂香牛肋骨,車媽媽當然係沒辦法試到,不過聽友人嘅評語牛肉味香濃,而且肉質好鬆化,質素應該好不俗喔!
吃了那麼多濃油赤醬的菜式,諗住食個豆腐清清哋啦!點知呢個上山下海玉子豆腐的惹味程度跟之前的菜式不遑多讓,亦都係撈飯的好拍檔。
吃了那麼多惹味濃菜後,吃番一個田園雜菜伴南瓜汁,對係好件賞心樂事。
但係這道菜最吸引我嘅其實係用來盛載南瓜汁的酒鼎,雖然係仿製品但係一看到便想起武俠片的感覺十分喜愛呢!
這個菜最底下係甘筍絲,然後就係美味莧菜,頭頂有兩件可愛嘅小本茹作為裝飾,連菜蔬也十分精緻如此認真冇得頂。
已經十分飽足的我們亦不會錯過甜美的結束,我哋得到嘅甜品薈萃內裏有,杞子桂花糕/芝麻草莓流沙球/及綠茶冰爽。
而這個芝麻草莓流沙球顛覆咗我對芝麻球嘅概念,通常入面都係麻蓉餡多, 但係今次換上了士多啤梨餡,又有一個新的感覺吃下清爽多了,但同樣的討好呢!
而這個綠茶冰爽係用上近年大熱寒天造成,質感會較用魚膠粉來得軟滑彈牙,幽幽的綠茶香氣吃下令人感覺很舒服。
吃飽飽後便乘座酒店穿梭巴士到碼頭了,大家以為澳門之旅完了嗎?錯了明天發於更正的行程,大家密切留意喇!!

8 則留言:

  1. 單係早餐都咁多選擇,真係好激呀~~~

    回覆刪除
  2. 依個weekend至少肥左3磅...!!

    回覆刪除
  3. 食咗個咁豐富o既自助早,仲食得落午餐,真係勁

    回覆刪除
  4. 一大班人去真係特別開心,食都食得高興d呀!

    又,車媽媽碗粥d配料放得好鬼靚呀!:)

    回覆刪除
    回覆
    1. 好難得咁整人真係好開心呀!

      刪除