High草日！！

車媽媽絕對係一個喜歡煮菜嘅人，雖然而家成日都偷偷出走煮少了晚餐，但係對於烹飪的興趣就絕沒半點減少呢！

所以這天便到{美亞廚具旗艦店}的*香草色香味*展覽，這天更可以攞正牌high草了^0^

一到達觀塘美亞旗艦店已經聞到陣清新香草味撲鼻而來，事關旗艦店內放了滿滿香草的溫室啊~

內有十分豐富的香草介紹，這個叫做紅酸模又名野菠菜，可用來伴沙律煮湯和做醬汁㗎！

大家熟悉嘅羅勒即係金不換或者叫做九層塔，台灣菜同埋泰國菜最常用㗎啦！

喜歡吃羊的朋友一定認得佢係乜嘢啦！迷迭香rosemary煮肉類真係一流㗎。

呢一個係歐芹多數都係用喺沙律當中的。

這款叫甜菊來自巴西的香葉，佢嘅甜度係白糖嘅250-300倍之多，0卡路里同埋0升糖指數，所以對於糖尿病患者很適用，我亦都曾經買過給車婆婆用呢！

最後這個名叫芸香的香草大家聽落好像很陌生是嗎？其實說穿了原來係臭草，用來煲綠豆沙糖水的那款呢。

參觀完香草溫室後便見到{香草白子櫃}，這裏的百子櫃搜羅近40種熱門的珍貴新鮮及乾品香草，大家可以逐一打開用自己嘅嗅覺好好欣賞一吓呢。

然後還有香草Diy的櫃檯，由香草女皇Rowena提供四款香草茶包嘅組合，今天我們可以得到嘅係緩和感冒組合內有馬約蘭加檸檬香草。

混好兩樣香草之後便緩和感冒組合，如果有需要用250毫升水沖泡來飲用，便可緩和感冒不適的症狀。

接著便到香草鹽Diy，這裏係由今日其中一位導師Eric提供嘅簡易香草製作方法！

今天我哋要做嘅係{地中海風味雞翼香草鹽}。

已經有晒所有材料嘅分量在食譜中，我哋可以親手自己去混和這個Diy香草鹽包了。

呢個就係地中海雞翼鹽喇，攞返屋企整比車爸爸試吓先！

好喇出面嘅Counter玩咗咁耐係時候到入返去{香草廚房}真真正正跟導師學藝了^0^

檯面上掛滿羅勒同埋薄荷葉，原來我的第一樣要學嘅係香草Mojito！

除了有香草外還有青檸和檸檬，及貼心地已起肉的柚子。

這個可愛嘅燈膽容器內已經裝有蜜糖。

我們先將羅勒葉香氣喚醒，老師教我們只要將它放在掌心輕拍，便能帶出香氣來。

最後將他們放入燈膽内跟住加上Sparkling Water，便已經大功告成我們自己的Mojito了。

自己mix嘅飲品當然覺得係全世界最好味喇，但係咁都唔夠喎正導師Eric還要給我們驚喜，原來這飲品能夠有雙重享受的？

就係加入海鹽喇！味道有點像鹹檸７但係又多咗香草嘅清新味，都幾特別㗎！

製作完一杯清香的飲品後到導師示範美味的手作香草意粉！美亞呢隻易潔鑊超好用，又不黏底，所以我從來都係佢的Fans呢。

大家分享了導師的意粉後便要自己落手造喇 。

好了到我們大顯身手的時候，大會安排了我們做手作意粉啊~

先將麵粉放入沙律碗內，特意一讚沙律碗底備有膠底，能牢牢貼在檯面上，用家可安全放使用不怕打翻食物呢。

放入雞蛋後用上彈性甚佳的矽膠刮，來混合粉漿不用全手黏糊呢！

當混合至乾身成型後便可加香草入粉團內。

今天有黃薑粉和羅勒可選，車媽媽選了綠色的羅勒！

在專人教導下車媽媽成功造出手作意粉，好有滿足感啊！！

當晚回到家更泡製了一個人的浪漫，香辣魚柳忌廉香草意粉，口感al dente非常yummy呢。